Mbretëria e Bashkuar nuk do të ndjek shembullin e Gjermanisë dhe Francës, ministri britanik arsyeton vendimin

Një bllokim i dytë kombëtar shkaku i coronavirusit nuk është “i pashmangshëm”, tha sot ministri i Strehimit të Mbretërisë së Bashkuar, Robert Jenrick.

Kur u pyet nëse Mbretëria e Bashkuar do të shkojë drejt një bllokimi kombëtar sikurse Franca dhe Gjermania, Jenrick pohoi se “nëse të gjithë ndërmarrim veprime për jetën tonë të përditshme që do të thotë se ndihmojnë ekuilibrin në favor të qasjes sonë aktuale”, raporton CNN.

Ministri mbrojti “qasjen e rajonalizuar” të qeverisë britanike për të provuar dhe përmbajtur përhapjen e COVID-19, duke thënë se një bllokim kombëtar “duhet të rishikohet si një mundësi e fundit”, transmeton Telegrafi.

“Gjykimi që po bëjmë sot është se nëse ndjekim qasjen e rajonalizuar, ne kemi një perspektivë të mirë për ta marrë këtë nën kontroll,” tha Jenrick. “Për shkak se alternativa, ne e dimë, është shumë shkatërruese dhe e dëmshme për jetesën e njerëzve.”

Lexo po ashtu Macron shpall bllokimin e dytë kombëtar në Francë

“Nëse shkojmë për një bllokim të plotë kombëtar, mund të mos jetë për një periudhë të shkurtër kohe siç ka sugjeruar dikush,” shtoi ai.

Lexo po ashtu Angela Merkel i drejtohet Gjermanisë: Masa të rrepta prej 2 nëntorit, nuk duam ta humbim luftën me coronavirusin

Qeveria e Mbretërisë së Bashkuar prezantoi një sistem me tre nivele kufizimesh këtë muaj, me zonat më të prekura që përballen me masat më të rrepta për të kontrolluar përhapjen e virusit. /Telegrafi/