Rashford në histori të Ligës së Kampionëve pas het-trikut të shënuar ndaj RB Leipzigut

Marcus Rashford ka shkruar emrin e tij në librat e historisë pas paraqitjes brilante ndaj RB Leipzig në Ligën e Kampionëve, ku shënoi tri gola.

Manchester Unitedi mposhti RB Leipzigun me rezultat 5-0 në takimin e Grupit H, duke betonuar pozitën e parë me gjashtë pikë nga dy ndeshjet e para.

Shënuesit e Unitedit në këtë ndeshje ishin Mason Greenwood (21’), Marcus Rashford (74’, 78’, 90+) dhe Anthony Martial (87’).

Lexo po ashtu Manchester Unitedi shkatërron RB Leipzigun duke e mposhtur thellë, Rashford shkëlqen me het-trik

Vlen të theksohet se sulmuesi anglez, Rashford, u inkuadrua në lojë në pjesën e dytë, duke zëvendësuar Greenwood në minutën e 63-të.

Het-triku i tij për 27 minuta lojë ka bërë që Rashford të shkruaj emrin e tij në histori të Ligës së Kampionëve.

Lexo po ashtu Solskjaer pas fitores së thellë ndaj RB Leipzigut: Ishim të shkëlqyeshëm, Rashford ishte fantastik

Ylli anglez i Unitedit u bë vetëm lojtari i pestë në histori të Ligës së Kampionëve që shënon një het-trik si zëvendësues.

Me 27 minutat e tij në fushë, është koha më e vogël që një zëvendësues shënon het-trik në histori të kësaj gare. /Telegrafi

27 – @MarcusRashford became just the fifth player in @ChampionsLeague history to score a hat-trick as a substitute, with his 27 minutes on the pitch the fewest number played whilst also netting a treble in the competition’s history. Leader. #UCL pic.twitter.com/clfOjJw1wf

— OptaJoe (@OptaJoe) October 28, 2020