Stevanoviq: Vdekshmëria e lartë është për shkak se pacientët kanë edhe sëmundje tjera shoqëruese

Vetëm në tre ditët e fundit, gjatë fundjavës së zgjatur, deri në 45 pacientë kanë vdekur nga coronavirusi në spital. Numri është më shumë se alarmante, ndërsa akoma më shqetësues është fakti se mes tyre ka njerëz në të 30-at.

Prej disa muajsh, publiku ka reaguar ndaj nivelit të lartë të vdekshmërisë, dhe pyetja kryesore është se si pacientët në 40, 50, 60 dhe tani në moshën 30 vjeç mund të vdesin nga virusi. Autoritetet shëndetësore njoftuan se po bëhet një analizë në të gjitha spitalet klinike, por nuk është paraqitur ende në opinion.

“Vdekshmëria e lartë është për shkak të faktit se shumica e pacientëve kanë shumë sëmundje të tjera shoqëruese, ndërsa në atë rast virusi shkakton ndërlikime të mëdha. I tillë është rasti me pacientin 36-vjeçar i cili vdiq të premten. Me rastin e pranimit, pacienti kishte pneumoni masive. Pacienti ishte mbipeshë dhe kishte diabet mellitus, tip 2 për të cilin po merrte terapi HTA”, tha drejtoreshe e Klinikës Infektive Milena Stevanoviq për “Faktor”.

Rreth 547 pacientë të infektuar me coronavirus aktualisht janë duke u mjekuar në spitale. Ndërsa në lidhje me laboratorët e testimit, Ministri i Shëndetësisë, Venko Filipçe, njoftoi këtë fundjavë se vala e fortë e vjeshtës ka rënduar laboratorët e testimit, por ata po punojnë për gjetjen e një zgjidhje për termat e rinj./Telegrafi/