Skuadra e re, tmerri i vjetër: Bayern Munich kthehet në makth për Luis Suarezin – ia shënojnë 12 gola në dy ndeshje

Bayern Munich ka shënuar fitore të thellë ndaj Atletico Madridit me rezultat 4-0, në ndeshjen e parë të fazës së grupeve në Ligën e Kampionëve.

Bavarezët e dominuan takimin nga fillimi deri në fund, duke shënuar nga dy herë në secilën pjesë.

Kingsley Coman shënoi dy herë, ndërsa nga një herë shëuan Corentin Tolisso e Leon Goretzka, për ta mbyllur takimin me rezultat 4-0.

https://www.youtube.com/watch?v=XabdBKP0uUw&ab_channel=FEELMYSTYLE

Ajo që bie në sy sonte ishte prania e sulmuesit Luis Suarez i cili debutoi në Ligën e Kampionëve me fanellën e Atleticos.

Ndeshja e fundit që kishte zhvilluar me Barcelonën, ka qenë pikërisht ndaj Bayern Munich,  që ishte mbyllur me rezultat 8-2 në të mirë të bavarezëve.

https://www.youtube.com/watch?v=XXxkLK-WZaM&ab_channel=TheChampions

Në atë ndeshje Luis Suarez shënoi golin e fundit të epokës së tij me Barcelonën.

Bayern Munich duket se i është kthyer në makth Suarezit, pasi në vetëm dy ndeshje skuadrave të tij ia kanë shënuar 12 gola. /Telegrafi/