McManaman: Shpresoj që Bale të kthehet në Ligën Premier

Ish-mesfushori i Real Madridit, Steve McManaman mendon se Gareth Bale duhet të kthehet në Ligën Premier për ta kthyer karrierën në rrugën e duhur.

Anësori uellsian ka pasur një fatkeqësi vitet e fundit në Real Madrid, ku ai ka gjetur vetëm pak minuta në ekipin e parë dhe kjo situatë duket se do të ndryshojë së shpejti.

McManaman mendon se Bale mund të kthehet në gjendjen e tij më të mirë në Angli, dhe se përparësia për të duhet të jetë të luajë futboll të rregullt.

Lexo po ashtu Real Madridi do të paguajë gjysmën e pagës së Gareth Bale për të lehtësuar rikthimin e tij në Ligën Premier

“Mendoj se Gareth Bale mund të luante në Ligën Premier dhe të kthehej në nivelin e tij më të lartë. Unë sigurisht që shpresoj kështu”, ka thënë fillimisht McManaman.

“Unë e di që ai është 31 vjeç. Sigurisht që ai ka pasur një numër lëndimesh, por nuk mendoj se ai ka luajtur shumë futboll në vitet e fundit, kështu që ai duhet të jetë i aftë dhe i fortë”.

“Gjëja më e rëndësishme për Gareth është të luajë futboll dhe nëse ai nuk do ta bëjë atë në Real Madrid, atëherë unë mendoj se ai duhet të provojë diku tjetër”, përfundoi anglezi. /Telegrafi/