Me ndezje të alarmeve nga Policia e Kosovës, Zjarrfikësit dhe pjesëtarët e Qendrës së Mjekësisë Urgjente u kujtuan viktimat nga sulmi terrorist në ShBA më 11 shtator të vitit 2001.
Pjesëtarët e zjarrfikësve për rajon e Prishtinës kanë pastruar pllaton e bulevardit “Bill Clinton” si dhe është ulur në gjysmë shtizë flamur amerikan.
Kryetari i shoqatës “ Miqtë e Amerikës”, Agim Rexhepi tha se me këto aktivitet sot po I nderojnë viktimat e sulmit terrorist të 11 shtatorit në Kullat Binjake.
“Veprimet tona dërgojnë mesazhe njerëzore, por edhe politike në kuptim pozitiv, sepse dëshirojmë të tregojmë se jo juve se e dini se jemi miq me ju, por aleatëve tuaj por edhe të tjerëve që SHBA-të edhe pse jemi një shtet e komb i vogël jemi një popull i stërlashtë që nuk kemi bërë asnjë luftë jashtë territoreve tona dhe rregullisht kemi dashur dhe i kemi mbrojtur territoret tona dhe fëmijët tanë“, tha ai.
Në emër të ambasadës amerikane në Kosovës dhe ICITAP, Stiven Hjuit tha se ngjarje e 11 shtatorit ka sjell ndryshime rrënjësore në Amerikë pasi shumë qytetarë humbën familjarët e tyre.
Hjuit derisa falënderoi shtetin e Kosovën që në çdo përvjetor i kujtojnë viktimat e sulmit terrorit të 11 shtatorit 2001, tha se zjarrfikësit dhe policët e shtetit amerikan ishin ata që u përballën me këtë tragjedi dhe ndihmuan popullin e tyre.
“Nuk ka pasur ndryshim më të madh sesa për zbatuesit e ligjit, zjarrfikësit dhe polici që kanë qenë në vijën e parë të reagimit. Gjatë periudhës së sulmit shumë të tjerë janë munduar të ikin nga vendi i ngjarjes nga shkatërrimi nga tymi e nga hiri i madh por këta kanë qëndruar në këtë përpjekje për të shpëtuar ata të cilët të cilët kanë qenë të pa shpresë në këtë betejë apo për të shpëtuar jetën këta kanë qenë të pranishëm aty me qytetarët. Ne në një ditë kemi arritur të shohim një të keqe jashtëzakonisht të madh por kemi parë edhe një reagim të vullnetit të mirë….Shpresa e ime për të gjithë sot është që jo vetëm, t’i përkujtojmë se si këto gra, burra fëmijë kanë humbur jetën e tyre por si këta heronj kanë vendosur të vazhdojnë jetën e tyre në këtë ditë tragjike me këtë përvojë aty. Që kanë dëshmuar, guxim dhe gatishmëri për të luftuar frikën dhe për të vepruar në rrethana të frikshme si kjo ditë“, theksoi Hjuit.
Don Lush Gjergji nga Ipeshkvia e Kosovës tha se gjaku i dëshmorëve është fara e lirisë dhe paqes dhe e një bote që do e kemi një fron ku gjithë së bashku do e luftojmë të keqën.
Sulmin ndaj shtetit amerikan e ka cilësuar si një sulm ndaj njerëzimit.
“Sulmi ndaj Amerikës ishte sulm ndaj njerëzimit, ishte sulm ndaj vetvetes ishte një vetëvrasje dhe bota gjithnjë e më mirë po e kupton këtë gjë dhe po krijon një front i përbashkët që kërkon vlera dhe virtyte të përbashkëta. Jeta, dashuria, paqja, falja, liria, demokracia janë vlera universale që I përkasin gjithë botës pa dallime kombëtare, fetare pa dallime shtetërore prandaj sot jemi këtu për tu lutur për ata që humbën jetën dhe për familjet e tyre që ta kenë ngushëllimin dhe për të gjithë njerëzit e mendjes dhe vullnetit të mirë“, deklaroi ai.
Kurse, zëvendëskryeimami i Bashkësisë Islame, Fatmir Iljazi tha se terrorizmi nuk njeh gjuhë, fe e nacionaliteti prandaj nevojitet bashkëveprim për të ecur përpara për më shumë paqe dhe dashur në botë.
“Përçojmë mesazhin hyjnor i cili thotë se jeta e njeriut është dhuratë e zotit në tokë prandaj vetëm zoti është kompetent që të jap dhe marr jetë dhe assesi nuk i takon njeriut që të marr jetën e tjetrit. Ne jemi po ashtu këtu që të përçojmë mesazhin se terrorizmi nuk njeh gjuhë, fe, racë dhe nacionaliteti. Ne do vazhdojmë të bashkëveprojmë me të gjitha bashkësitë fetare dhe qytetarët e Kosovës të ecim përpara duke e lutur zotin që jo vetëm në shtetin tonë por në mbarë botën në mbizotëroj paqe, liria, dashuria, lumturia dhe harmonia ndërfetare dhe assesi dhuna”, tha Iljazi.
Sulmi ndaj Kullave Binjake ishte kryer më 11 shtator 2001 nga një grup prej 19 vetash rrëmbyes radikal, 15 prej tyre ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani. Në këtë sulm terrorist humbën jetën 2,996 njerëz në katër zona të ndryshme./KP/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit