Drita njofton për mbledhjen e mbajtur në UEFA: Është shtyrë vendimi për ndeshjen e anuluar ndaj Linfield

UEFA ka shtyrë vendimin për ndeshjen e pezulluar para-kualifikuese të Ligës së Kampionëve mes Dritës dhe Linfield.

Kampioni i Kosovës ishte gati ta luante finalen e raundit para-eliminator të Ligës së Kampionëve ndaj kampionit të Irlandës së Veriut, Linfied.

Megjithatë, pas testimit të ekipit për herë të dytë për testet e Covid-19, mesfushori Hamdi Namani rezultoi pozitiv dhe ekipi gjilanas u detyrua të karantinohet.

Lexo po ashtu Zyrtare: UEFA anulon takimin mes Dritës dhe Linfieldit në Ligën e Kampionëve

Pas karantinimit, UEFA vendosi ta anulojë ndeshjen e paraparë dhe Drita u rikthye në Kosovës në pritje të vendimit se kur do të zhvillohet ndeshja.

Tani faqja zyrtare e Dritës ka njoftuar se vendimi është shtyrë dhe ka kaluar në një instancë tjetër.

Postimi pa ndërhyrje i FC Dritës

Shtyhet vendimi, kalon ne nje instancë tjeter!

Ka perfunduar mbledhja e mbajtur nga komisioni diciplinor per rastin e ndeshjes se anuluar te klubit tone me ekipin e LINFILD FC.

Komisioni i diciplines ne baze te argumenteve dhe rrethanave te krijuara per kete takim, nuk ka mundur te vendos dhe kete qeshtje e ka drejtuar ne instancen e Apelit te UEFA-se.

Ne vendim thuhet:

“Duke pasur parasysh rrethanat urgjente të kësaj çështje, të cilat mund të kenë një ndikim të rëndësishëm në drejtimin më të lehtë të Ligës së Kampionëve të 2020/21 UEFA dhe bazuar në nenin 29 (3) të Rregullores së Disiplinës të UEFA-s, dëshiroj t’ju informoj se unë kam vendosur që këtë çështje t’i drejtohem direkt Organit të Apelit të UEFA-s për një vendim”

Data e vendimit nga organet e Apelit te Uefa-së nuk eshte bere e ditur!

FC DRITA

/Telegrafi/