Manchester Unitedi tenton ta bind Barcelonën me një mega ofertë, ndërsa Ansu Fatit i ofron pagë trefish më të lartë

Klubi anglez, Manchester Unitedi po vazhdon të hulumtojë forma për të arritur transferimin e talentit të madh të Barcelonës, Ansu Fati.

Ansu Fati ka shkëlqyer këtë sezon me fanellën e klubit katalunas dhe ka bërë shumë klube të mëdha për vete dhe në veçanti Unitedit që dëshiron transferimin e tij.

Megjithatë, nuk është i lehtë transferimi i sulmuesit anësor, pasi adoleshenti mbart një klauzolë të blerjes hiç më të vogël se 170 milion euro.

Lexo po ashtu Drejtuesit e Barcelonës të ndarë rreth të ardhmes së Ansu Fati

Në Angli, mediat pretendojnë se Djajtë e Kuq kanë bërë tashmë dy oferta për Fatin, të cilët kanë shkuar deri në shifrën e 150 milionë euro.

Sipas gazetës katalunase Sport, klubi nga Old Trafford po përdor super-agjentin portugez Jorge Mendes si një ndërmjetës në negociatat e transferimit.

Lexo po ashtu Babai i Ansu Fati flet rreth lidhjeve të sulmuesit me Manchester Unitedin

Ky medium shton se Unitedi i ka ofruar familjes së Fatit një kontratë me vlerë trefish më të madhe nga ajo që aktualisht ai fiton në skuadrën e parë të Barçës.

Në fund thuhet se ekziston një besim që Barca mund të bindet të negociojë një marrëveshje më të lirë se klauzola për Fatin nëse Unitedi është i gatshëm të paguajë pjesën më të madhe të çmimit. /Telegrafi/