Milioneri gjendet i copëtuar në Nju Jork, motra e tij futet në apartament dhe has në skenën rrëqethëse – dyshohet për ekzekutim “profesional”

Milioneri Fahim Saleh është gjetur i vdekur në apartamentin e tij në Nju Jork. Skenën rrëqethëse e ka parë motra e tij, e cila ishte brengosur që ai nuk i është lajmëruar, raporton New York Daily News.

Kur u fut në apartament pa se koka dhe pjesët e tjera të trupit ishin prerë me motosharrë, e cila kishte qenë ende e ndezur. Sipas informacioneve të para, të gjitha pjesët e trupit janë futur në qese të najlonit, transmeton Telegrafi.

Kamerat e sigurisë të vendosura në pjesë të ndryshme të ndërtesës kanë filmuar të dyshuarin me doreza, kapelë, maskë dhe valixhe duke u futur në ashensor me Salehin.

Salehi dhe i dyshuari kanë shkuar së bashku deri në apartamentin e tij, e kur dolën nga ashensori ka ndodhur sulmi. Ai është rrëzuar në tokë, por ende nuk dihet nëse sulmuesi e kishte qëlluar.

Për mënyrën se si është organizuar sulmi, policia konsideron së bëhet fjalë për një ekzekutim “profesional”.

“I dyshuari ka pasur me vete një valixhe, që do të thotë se bëhet fjalë për një vrasës profesionistë”, ka bërë të ditur një burim i paemëruar nga policia.

Policinë e kishte befasuar që në vendin e ngjarjes ka gjetur shumë pak gjak, për faktin se Saleh ishte copëtuar, për këtë arsye besohet se sulmuesi pjesët më të mëdha i ka larguar më herët.

Në anën tjetër hetuesit po tentojnë të konfirmojnë nëse motra e Salehit e kishte ndërprerë vrasin që t’i largoj të gjitha pjesët e trupit nga skena e krimit, apo nëse vrasësi ka përdorur tjetër dalje për t’u larguar nga ndërtesa.

“Koka, duart dhe këmbët janë prerë. Ende janë në vendin e krimit, por nuk po e dimë motivin”, ka deklaruar zëdhënësi i policisë së Nju Jorkut, Carlos, Nieves.

Saleh ishte “web-developer” dhe tërë pasurinë e fituar e ka arritur pa ndihmën e askujt. Pika e tij e dobët ishin video-lojërat. Ishte i biri i emigrantëve nga Bangladeshi, e si adoleshent ka mësuar të kodoj dhe zhvilloj aplikacione. Kishte diplomuar në Universitetin Bentley në Waltam të Masaçusets. /Telegrafi/