Vendet e Bashkimit Evropian nuk arritën të vendosin të premten për një liste të vendeve të sigurta, banorët e të cilëve mund të udhëtojnë në këtë bllok nga muaji korrik, ndërkohë që Shtetet e Bashkuara, Brazili dhe Rusia janë vende të përcaktuara për t’u përjashtuar nga kjo listë.
Ambasadorët nga 27 vendet anëtare të BE-së u mblodhën nga e premtja pasdite për të përcaktuar kritere për lejimin e hyrjes pa karantinë nga e mërkura e ardhshme.
Një tekst i ripunuar u paraqit nga një grup prej 10-20 vendesh, por shumë diplomatë thanë se duhej të këshilloheshin së pari me qeveritë e tyre. Lista nuk përfshin Shtetet e Bashkuara, Brazilin apo Rusinë, tha një diplomat.
Vendet anëtare vazhduan diskutimit deri në orët e vona të së premtes dhe pritet pritet të japin një përgjigje jozyrtare deri të shtunën në mbrëmje.
Shtetasit amerikanë mund të lejohen të hyjnë në vendet e Bashkimit Evropian nëse i plotësojnë disa kushte si niveli i normal i temperaturës, thanë dy zyrtarë të Shteteve të Bashkuara.
Komisioni Evropian kishte këshilluar që blloku së pari të heqë kontrollet e kufijve të brendshëm dhe pastaj gradualisht të hapë kufijtë e jashtëm. Megjithatë, hapi i parë nuk ka shkuar sipas planit.
Greqia po urdhëron testet për COVID-19 për personat që mbërrijnë nga një varg vendesh të BE-së, përfshirë Francën, Italinë, Hollandën dhe Spanjën, me vetë-izolim derisa të njihen rezultatet.
Republika Çeke ka thënë se nuk do të lejojë të hyjnë turistët nga Portugalia, Suedia dhe një pjesë e Polonisë.
Ekziston një marrëveshje e gjerë që blloku duhet të hapet vetëm për ata me një situatë të ngjashme ose më të mirë epidemiologjike, por ka pikëpyetje se si të vlerësohet trajtimi i një vendi nga epidemia dhe besueshmëria e të dhënave.
Një numër vendesh, si Tanzania, Turkmenistani dhe Laosi nuk kanë raste të raportuara në dy javët e fundit, sipas agjencisë së BE-së, Qendra Evropiane për Parandalimin dhe Kontrollin e Sëmundjeve (ECDC).
Bazuar në të dhënat e ECDC-së për një periudhë dy javore deri të enjten, një sërë vendesh janë qartazi në një situatë më të keqe se Bashkimi Evropian.
Ato përfshijnë Shtetet e Bashkuara, Meksikën, Brazilin dhe pjesën më të madhe të Amerikës Latine, Rusinë, Afrikën e Jugut dhe Arabinë Saudite.
Pavarësisht presionit nga kompanitë ajrore amerikane dhe sindikatave, Shtëpia e Bardhë nuk është angazhuar për vendosojen e masave të reja për sigurinë e udhëtimeve për shkak të pandemisë së Covid-19. Diskutimet mes kompanive ajrore dhe zyrtarëve qeveritarë, përfshirë Nënpresidentin Mike Pence të premten mbi kontrollin e temperaturës së udhëtarëve përfunduan pa marrëveshje.
Komisioni ka sugjeruar që vendet e Ballkanit Perëndimor – Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia – duhet të pranohen.
Megjithatë, sipas të dhënave të ECDC-së, numri i rasteve me Covid-19 në Bosnjë dhe Maqedoninë e Veriut mund të jetë shumë i lartë. /VOA/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Eksploro natyrën me veshjet e stilit taktik të Melodia Px
Trajtimi i punëtorëve teknikë vazhdon të jetë shqetësues
Pasuria e guvernatorit të BQK-së, drejtorit ATK-së dhe drejtorit të Doganës
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë