Këshilltari i Begjet Pacollit, Jetlir Zyberaj, ka paralajmëruar se posedon më shumë se 56 mijë faqe të dokumenteve zyrtare të Ministrisë së Brendshme të Serbisë, që tregojnë krimet e kryera në Kosovë nga ushtria, policia, paramilitarët dhe bashkëpunëtorët lokalë të UDB-së.
Zyberaj, përmes një postimi në në Facebook, ka thënë se këto dokumente do t’i publikojë bazuar në vendimet e institucioneve të Kosovës.
“Publikimi i kësaj pjese, (ku përfshihen emrat e bashkëpunëtorëve shqiptarë, e një pjesë e tyre vazhdojnë të shërbejnë në sistemin tonë shtetëror) do të bëhet, bazuar në vendimet e institucioneve të Kosovës”, ka shkruar Zyberaj.
Postimi i plotë i Zybrajt:
“Janë siguruar më shumë se 56 mijë faqe të dokumenteve zyrtare të Ministrisë së Brendshme të Serbisë, që tregojnë krimet e kryera në Kosovë nga ushtria, policia, paramilitarët dhe bashkëpunëtorët lokal të UDB-së serbe. Së shpejti do të publikohen të gjitha, duke filluar me ato që tregojnë rolin e Beogradit në të gjitha krimet në Kosovë. Gjithashtu, kjo dosje përmban edhe emrat, rolin dhe veprimtarinë e bashkëpunëtorëve lokale të UDB-së që janë të përfshirë në krimet kundër shqiptarëve. Publikimi i kësaj pjese, (ku përfshihen emrat e bashkëpunëtorëve shqiptarë, e një pjesë e tyre vazhdojnë të shërbejnë në sistemin tonë shtetëror) do të bëhet, bazuar në vendimet e institucioneve të Kosovës. Kjo kërkon në mënyrë urgjente miratimin e ligjit të lustracionit në mënyrë që këto dokumente të deponohen në organet e shtetit dhe këta persona të përballen me drejtësinë siç duhet”, ka shkruar ai.
Zyberaj thotë se kjo kërkon në mënyrë urgjente miratimin e ligjit të lustracionit në mënyrë që këto dokumente të deponohen në organet e shtetit dhe këta persona të përballen me drejtësinë sic duhet.
Zyberaj në dhjetor të vitit të kaluar ka njoftuar se shefi i atëhershëm diplomacisë kosovare, Behgjet Pacolli, ka transferuar në Prokurorinë e Kosovës dosjet për krimet e luftës dhe gjenocidin serb kundër shqiptarëve në Kosovë.
“Këto dosje paraqesin fakte dhe dëshmojnë se Serbia kishte një politikë shtetërore të orkestruar gjenocidale kundër Kosovës e cila ishte në terren e zbatuar nga ushtria jugosllave, MUP-i, grupet paramilitare të kontrolluara nga Beogradi dhe grupet e tjera lokale të armatosura serbe që kryenin spastrimin etnik dhe vrasjet masive”, kishte thënë Zyberaj.
Ministria e Punëve të Jashtme të Kosovës vitin e kaluar kishte paralajmëruar se më shumë se 10 mijë dokumente me të cilat pretendohet të dëshmohet për krimet e kryera nga Serbia në Kosovë gjatë luftës së fundit të viteve 1998-‘99 do t’i dorëzohen Prokurorisë Speciale.
Këto dokumente, sipas Pacollit dhe këshilltarëve të tij, janë siguruar së fundi përmes rrugëve ligjore nga burime të ndryshme, përfshirë edhe ato ndërkombëtare. /Telegrafi/
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Dëshmitari thotë se i akuzuari për krime lufte në Vushtrri e kishte goditur me armë në fytyrë
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
AGK reagon ndaj shpërndarjes së numrit të gazetares nga grupi “Albkings”
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?