Historia e çiftit amerikan që në aksident trafiku humbën tre fëmijë, e një vit më pas u bënë me trinjakë

Në maj të vitit 2007 familja Cobl nga SHBA-të ishte goditur nga një tragjedi shumë e rëndë. E ëma Lori Cobl ishte duke vozitur veturën brenda të cilës ishin edhe tre fëmijët e saj Kyle, 5-vjeç, Emma, 4, dhe 2-vjeçarja Katie, kur befasisht një kamion i mbushur me 20 ton pajisje elektronike goditi pjesën e pasme të veturës së tyre.

E në anën e djathtë të shoferit gjendej edhe e ëma e saj, gjysha e fëmijëve e cila nga ky aksident shpëtoi me gjallë me brinjët e thyer, kurse Lorit pësoi shkundje të rënda në tru, transmeton Telegrafi.

Kamioni po lëvizte me 110 kilometra në orë, kurse Lorit nuk i kujtohet asgjë – e bashkëshorti i saj Chris është detyruar t’i tregojn se u kanë vdekur fëmijët.

Shoferi i kamionit Jorje Miguel Romero, i cili më parë ishte dënuar për vozitje të shpejtë, nuk është ankuar në seancën gjyqësore për vrasjet.

Pas aksidentit, dyshja i janë përkushtuar plotësisht luftës për ndryshimin e industrisë së transportit.

“Është një industri që paguan për kilometra, e për shoferët kjo do të thotë vetëm një gjë – nëse kamioni është i parkuar, ata nuk do të paguhen”, thotë Chris Kobl.

“Është një industri që parandalon vozitjen e rrezikshme. Shoferët e kamionëve vozitin me shpejtësi të madhe dhe vazhdimisht janë të lodhur. Duam ta ndryshojmë këtë”, ka shpjeguar ajo.

Por, gjashtë muaj pas tragjedisë, Chris dhe Lori kanë dhënë arsye për shpresë – Lori ka mbetur shtatzënë me trinjakë: dy vajza dhe një djalë, sikurse që i kishte para tragjedisë.

Për Lorin dhe Chrisin ishte e qartë se nuk bëhet fjalë për rastësi. Ata besojnë se për këtë janë meritorë fëmijët e tyre që humbën jetën në aksident trafiku.

“Nëse mendoni se dikush ju ndjek nga pas, ju shikon dhe mbron dhe ju ndodh diçka e njëjtë dy herë, është vështirë të mendohet se ata nuk ishin të përfshirë”, ka deklaruar Chris.

Në maj të këtij viti, Ashley, Eli dhe Jake kanë festuar ditëlindjen e tyre të 12-të.

“Mendoj se është mrekulli. Mendoj se Kyle, Emma dhe Katie kanë pasur diçka me këtë, na kanë ndihmuar”, ka thënë për fund Lorry. /Telegrafi/