Kina fshehu informacionin kryesor për coronavirusin për disa javë pasi ai u shfaq për herë të parë në janar, duke vonuar reagimin ndërkombëtar për shpërthimin, ka zbuluar një hetim i ri.
Sipas mediave të huaja, përcjell Telegrafi, zyrtarët kinezë nuk arritën të ndajnë hartën gjenetike, ose gjenomin e virusit për më shumë se një javë pasi e deshifruan për herë të parë atë dhe nuk arritën të zbulojnë se virusi mund të transmetohej midis njerëzve për dy javë të tjera, sipas dokumenteve të brendshme të Organizatës Botërore të Shëndetit, marrë nga Associated Press.
AP raportoi të martën se ndërsa shkencëtarët në Institutin e Virologjisë në Wuhan deshifruan virusin më 2 janar, zyrtarët kinezë të shëndetësisë nuk publikuan detajet e gjetjeve të tyre deri më shumë se një javë më vonë, në 12 janar.
Kështu, siç thuhet më tej, ishte vetëm më 20 janar, kur shteti kinez paralajmëroi Organizatën Botërore të Shëndetit dhe qeveritë e tjera që virusi kalonte midis njerëzve, sipas hetimit të Associated Press.
Dhe kjo ndodhi vetëm pasi një laborator në Shanghai i udhëhequr nga shkencëtari Zhang Yongzhen publikoi informacionin një ditë më parë dhe në kohën kur Organizata Botërore e Shëndetit e lavdëroi publikisht Kinën për atë që e përshkroi si përgjigjen e saj të shpejtë ndaj virusit.
Sidoqoftë, thuhet më tej, zyrtarët e OBSH-së ishin të brengosur privatisht që Kina kishte vonuar informacionet kryesore për virusin.
“Ne jemi aktualisht në fazën ku po, ata po na japin atë 15 minuta para se të shfaqet në [kanalin televiziv shtetëror kinez] CCTV”, citohet të ketë thënë zyrtari i OBSH-së, Dr Gauden Galea, në një takim.
OBSH raportohet se ishin të irrituar me dështimin e Kinës për të lëshuar të dhënat shpejt dhe kishin frikë se mos fajësoheshin për një përgjigje të vonuar globale për shpërthimin e virusit vdekjeprurës, thuhet në raportin e AP.
Dr Michael Ryan, shefi i urgjencave të OBSH-së, citohet të ketë thënë: “Rreziku tani është që përkundër qëllimit tonë të mirë … do të ketë shumë vëzhgim në OBSH nëse diçka ndodh”.
Ndryshe, presidenti amerikan Donald Trump ka akuzuar OBSH-në se po kontrollohet nga Kina.
Ai tha javën e kaluar se SHBA do të “ndërpriste marrëdhënies” me OBSH-në, dhe miliona dollarët që i jep organit global shëndetësor do ti drejtojë për diku tjetër. /Telegrafi/
Promo
Reklamo këtuLufta Prigozhin - Putin
Më shumë“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Çfarë thuhet në alarmin e NATO-s për aktivitetet 'armiqësore' ruse në Evropë?
Aktivistja nga Arabia Saudite dënohet me 11 vjet burgim "për shkak të veshjes"
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Zelensky tregon se kush janë ftuar në samitin e paqes në Zvicër
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe