13 foto të fuqishme që tregojnë ‘dhimbjen dhe zemërimin’ e protestuesve, pas vdekjes së burrit me ngjyrë në SHBA

Mijëra protestues në më shumë se një duzinë qytetesh amerikane po bëjnë thirrje për drejtësi dhe që t’i jepet fund brutalitetit të policisë, pas vdekjes së një burri me ngjyrë të paarmatosur, George Floyd.

Ai vdiq gjatë një arrestimi nga një oficer policie i bardhë, pasi polici i kishte vënë gjurin në qafën e tij, përcjell Telegrafi.

Dhe ka qenë një video që tregon oficerin e policisë që tregon ngjarjen, e cila u shpërnda në rrjetet sociale, duke nxitur protesta të mëdha.

Floyd vdiq menjëherë pas incidentit.

Siç bëhet e ditur, polici në video, Derek Chauvin u arrestua të premten dhe u akuzua për vrasje të shkallës së tretë. Tre oficerë të tjerë të përfshirë në incident nuk janë akuzuar.

Kështu, gjatë ditëve të fundit, vendi ka qenë dëshmitar i një përshkallëzimi të protestave të mëdha, fillimisht paqësore, me disa demonstrues që iu drejtuan dhunës, plaçkitjes dhe zjarrvënies.

Në këtë drejtim, mediat kanë sjellë disa nga fotografitë më të fuqishme të protestave që po ndodhin thuajse në të gjithë vendin. /Telegrafi/