Me vendimin e Gjykatës Kushtetuese, i hapet rruga votimit të qeverisë së re në Parlamentin e Kosovës. Forca që mori shumicën në zgjedhjet e fundit opozitare, Lëvizja Vetëvendosje, duket se tashmë do të kalojë në opozitë dhe qeveria do të drejtohet nga ish-aleati i tyre, Lidhja Demokratike e Kosovës.
Haki Abazi, zv. kryeministri në detyrë dhe një nga drejtuesit kryesor të VV-së, gjatë një interviste në emisionin “Balkan Talk”, tha se, “nëntoka po frenon zhvillimin në Kosovë.
Ai tha se, vendimi i Gjykatës Kushtetuese u dha në orët e vona të së enjtes, gjë e cila është e çuditshme. Vendimin në vetvete Abazi tha se për një çështje të ngjashme, gjykata ka vendosur për mbajtjen e zgjedhjeve të reja.
“Ne prisnin që të vendosej për zgjedhje të reja, duke e kthyer vendimmarrjen tek sovrani, meqenëse kishte një mocion mosbesimi në Parlament. Me vendimin e mbrëmshëm, si shumë institucione të tjera të Kosovës, tregoi se është e kapur, e ndikuar politikisht dhe ka vepruar në favor të kthimi të fuqisë politike tek një regjim i vjetër”, u shpreh Abazi.
I pyetur nëse Lëvizja Vetëvendosje do ta pranojë vendimin e institucionit më të lart Kushtetues në Kosovë, zv.kryeministri u përgjigj se do ta pranojnë por nuk pajtohen me këtë vendim.
“Pranueshmëria është një gjë, ndërsa pajtimi me vendimin e gjykatës e kemi bërë publike. Do të vazhdojmë të themi se Gjykata Kushtetuese e ka de legjitimuar veten duke bërë një pamflet politik dhe jo një interpretim të procesit ku gjendet Kosova”, tha ai.
“Ata që e kanë mirëpritur këtë vendim janë humbësit e zgjedhjeve të 6 tetorit dhe natyrisht që humbësit do t’i gëzohen një mundësie që përmes ndikimit të institucioneve të përfitojnë në tavolinë. Aq më tepër që kandidati i LDK është njeriu që ka më pak vota në listën e saj. Edhe pse partia e dyta, njeriu për kryeministër ka vetëm 26 mijë vota dhe nuk ka fituar as në zonën e tij”, shtoi zyrtari i VV-së.
Më tej, Abazi theksoi se, në vendimmarrje të gjykatës ka ndikuar presioni i botës së krimit që gjendjet pranë Presidentit, Hashim Thaçi dhe sipas tij kjo botë e nëndheshme po bllokon zhvillimin e Kosovën nga ana demokratike dhe ekonomike.
“Duhet të kuptojmë se nën toka e Hashim Thaçit, me njerëzit e tij kanë bërë kërcënime direkte për anëtarët e Gjykatës Kushtetuese dhe grupeve minoritare që kanë votuar nën kërcënimet e Thaçit për të mbrojtur interesat. Ajo që shihet në sheshin e Prishtinës, nuk duhet ta frikësojë askënd, pasi flasim për një shtet që synon të jetë në BE. Shteti është i qytetarëve, ajo që duhet t’i frikësohemi është nëntoka dhe korrupsionit që nuk e lejon Kosovën që të zhvillohet në mirëqenie dhe dinjitetin e qytetarëve”, tha zv. kryeministri Abazi.
Pyetjes nëse Vetëvendosje do të rikthejë trazirat sociale dhe politike në Kosovë, zyrtari i lartë i VV-së e krahasoi sulmin ndaj Kushtetutës siç e konsideroi ai vendimin e djeshëm, të ngjashme me sulmet e Millosheviçit me tanke për të shfarosur etnikisht shqiptarët e Kosovës.
“Ne nuk mund të jemi spektatorë. Kostoja e rrëzimit të qeverisë Kurti lidhet me faktin se, ne nuk jemi burokratë që kujdesemi për karriget tona por për sovranitetin dhe integritetin e vendit. Jemi në një udhëkryq ku ndarja territoriale e Kosovës është potencialisht axhenda për të cilën Thaçi ka punuar dhe vazhdon të punojë dhe kërkon partner luajal dhe në këtë rast një kryeministër kukull do të firmoste ndarjen. Shembja e rendit kushtetues dhe demokratik nuk mund të na lërë spektatorë. Çfarë do që është e domosdoshme dhe e nevojshme do të bëhet për të ruajtur shëndetin e demokracisë, për të mbrojtur Kushtetutën dhe territorin e Kosovës”, theksoi ai për Euronewsal.
Sipas Abazit, liderët e vjetër të politikës i tremben funksionimit të Gjykatës Speciale kurse për marrëdhënien e VV me të dërguarin special të Presidentit Trump tha se ka ndikuar gatishmëria Thaçit për të nënshkruar marrëveshje me Serbinë.
“Thaçi e shikon si mundësi të mbijetesë politike, e cila është e mbështetur në lojëra të pista. Kjo e bën të komplikuar çështjen e marrëdhënies me ambasadorin Grenell, i cili mendoj se është ndikuar gatishmëria e madhe e Thaçit që në shpejtësi të arrijë një marrëveshje duke përjashtuar nga dialogu qeverinë Kurti”, tha Abazi.
Promo
Reklamo këtuLufta Prigozhin - Putin
Më shumë“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe