Fitore spektakolare e Dortmundit ndaj Schalkes pas rikthimit të Bundesligës nga coronavirusi

Borussia Dortmundi e ka marrë fitoren  e parë pas rikthimit të Bundesligës që ishte ndërprerë shkaku i coronavirusit nga mesi i muajit mars.

Verdhëezinjët fituan me rezultat bindës 4-0 ndaj Schlakes në kuadër të javës së 26-të në ligën gjermane.

Golin e parë për Dortmundit dhe për Bundesligën që nga rikthimi prej pandemisë botërore, e shënoi Erling Haaland që shënoi në minutën e 29-të nga një asistim i Thorgan Hazard.

ℹ️🤕 Personal-Update kurz vor Anpfiff: @Gioreyna10 muss sein Startelf-Debüt leider verschieben, weil er sich beim Aufwärmen verletzt hat. @HazardThorgan8 rutscht kurzfristig in die Anfangself. #BVBS04 pic.twitter.com/OJ9wxGzJP8

— Borussia Dortmund (@BVB) May 16, 2020

Kur po përfundonte pjesa e parë, Raphael Guerreiro (45′) e dyfishoi epërsinë për vendasit, derisa Julian Brandt ishte në rolin e asistuesit.

Në të dytën, Dortmundi ishte sërish në zjarr, duke e trefishuar rezultatin me anë të Hazard, që shënoi në minutën e 48-të, derisa Brand ishte përsëri në rolin e asistuesit.

Tor beim Liga-Debüt ☑️
Tor beim Champions-League-Debüt ☑️
Tor beim Pokal-Debüt ☑️
Tor beim #Revierderby-Debüt ☑️#BVBS04 1:0 pic.twitter.com/sAM81DbpB7

— Borussia Dortmund (@BVB) May 16, 2020

Guerreiro (63′) arriti të realizonte edhe golin e tij të dytë në këtë takim dhe të katërtin për skuadrën e tij, me një asistim të bukur nga Haaland.

Kjo sfidë u përmbyllë me këtë rezultat (4-0), gjersa Dortmundi gjendet në pozitën e dytë me 54 pikë, një më pak se Bayerni, ndërsa në javën e 27-të do të takohen me Wolfsburgun, derisa Schalke do të ketë punë me Augsburgun. /Telegrafi/

https://www.youtube.com/watch?v=ajtSbSa1oPI