Roma nxjerr në shitje tre lojtarë për t’i shpëtuar dënimit për FFP

Roma do t’i shes tre lojtarë gjatë afatit kalimtar të verës për t’i shpëtuar dënimit nga UEFA për Fair Play Financiar.

Skuadra italiane është në krizë financiare dhe pas krizës nga coronavirusi kanë dështuar për të ndërruar pronësinë.

Kjo ka bërë që presidenti James Pallota të vazhdoj të mbes në krye të Romës, përkundër problemeve të shumta financiare.

Klubi italian ka vendosur t’i shes tre futbollistë fillimisht për t’i shpëtuar dënimit nga UEFA.

Të tre lojtarët që do të shitën momentalisht janë të huazuar, Alessandro Florenzi te Valencia, Rick Karsdorp tek Feyenoord dhe Patrik Schick te RB Leipzig.

Për kapitenin Florenzi, Giallorosët synojnë të fitojnë rreth 15 milionë euro, teksa Fiorentina dhe Valencia mbetën dy skuadrat e interesuara.

Ndërkohë për Rick Karsdorp, Roma shpreson të mbërrijë një ofertë rreth 10 milionë euro.

Problemi mbetet tek çeku Patrik Schick, ku Leipzig kishte mundësinë për ta blerë për 29 milionë euro, por gjermanët kanë kërkuar zbritje të çmimit në 20 milionë.

Marrëveshja pritet të arrihet për një shumë nga 20 deri në 25 milionë euro. /Telegrafi/