Femrat me flokë të shkurtër janë shumë joshëse

Në mesin e damave të famshme kemi gjithnjë e më shumë shembuj ku flokët e shkurtër janë përshtatur shkëlqyeshëm në gjithë “imazhin”

Kjo është vetëm një dëshmi që femrat me flokë të shkurtër mund të jenë shumë joshëse.

Këto janë disa prej arsyeve për këtë joshje, transmeton Telegrafi.

Lehtë tërheqin vëmendjen

Nuk shihen aq shpesh nëpër rrugë femra me flokë të shkurtër, andaj më lehtë “bien në sy”. Pikërisht për këtë meshkujt shpesh theksojnë “veçantinë” si tipar i rëndësishëm i femrës me frizurën e këtillë.

Tregojnë vetëbesim

Eksperimentimi nuk është i lehtë, andaj nuk vendosin të gjitha femrat t’i shkurtojnë flokët të cilat aq gjatë i kanë kuruar. Meshkujt dinë t’i dallojnë guximin dhe vetëbesimin të cilat janë të nevojshme për të vendosur dikush për një hap të këtillë, andaj kjo i tërheq.

Nuk ka rënie të flokëve në fytyrë

Meshkujve ndonjëherë u pengon, në momentet e këmbimit të butësisë, flokët bien mbi fytyrë. Veç kësaj, është edhe qëllimi praktik – nuk ka qime të gjata në jastëk, tepih dhe në pjesën tjetër të shtëpisë.

Qafa dhe supet janë gjithmonë të zbuluara

Këto pjesë të trupit të femrës janë shumë tërheqëse, andaj janë pjesë e bukurisë së femrës me flokë të shkurtër edhe ajo që gjithmonë i kanë të zbuluara qafën dhe supet. /Telegrafi/