Kohëve të fundit, hapësira publike e brendshme ruse, po i kushton vëmendje të veçantë çështjes së një marrëveshje potenciale ndërmjet Kosovës dhe Serbisë, duke e atakuar në mënyrë të ashpër presidentin e Serbisë, Aleksandar Vuçiq. Madje, atakohen edhe studiues rusë, të cilët janë njohës të çështjeve të Ballkanit.
Pasqyrimi i tyre, të jep një përshtypje se Rusia më shumë interesohet për çështjen e Kosovës në raport me Serbinë, sesa vetë Serbia. Kundërshtime dhe mospajtime ka, jo vetëm në sferën politike dhe diplomatike, por lidhur me çështjen e Kosovës dhe të Ballkanit, ka edhe ndërmjet vetë studiuesve rusë.
Një rast i ngjashëm ka ndodhur edhe në një artikull të publikuar në mediumin rus “Regnum”, përcjell Telegrafi.
Anna Filimonova, e cila është njohëse e çështjeve të Ballkanit ka kritikuar ashpër studiuesin tjetër rus, Peter Iskenderov, duke ju referuar shkrimeve të tij për çështjen e Kosovës dhe Serbisë si “shkrime analfabetësh”, të cilat, siç thotë ajo “përmbajnë teza të përgjithësuara të propagandës anti-serbe, të cilat duhet të adresohen”.
Në anën tjetër, studiuesi rus Peter Iskenderov, për artikuj të ngjashëm të Anna Filimonova, thotë se, “fatkeqësisht, një qasje e njëanshme mund të shihet në një numër botimesh në mediat ruse”.
Në shumicën e këtyre artikujve, Iskenderov thotë se, “në artikuj të tillë, autorët mundohen ta imagjinojnë ruajtjen e gjendjes aktuale të Kosovës, pasi të plotësojnë interesat e gjeopolitikës ruse, dhe në të njëjtën kohë, ato kundërshtojnë çdo përpjekje të Serbisë për të gjetur një zgjidhje kompromisi për problemin e Kosovës”.
Për më tepër, Iskenderov shton se, “dëshira e Serbisë për t’u anëtarësuar në Bashkimin Evropian interpretohet apriori si pëlqim i Presidentit Vuçiq për t’u anëtarësuar në NATO”, gjë që kundërshtohet nga Rusia.
Madje teza e njohur “dorëzimi i Kosovës”, sipas Iskenderov, është një tezë e shpikur në artikuj të ndryshëm të autorëve rusë, duke thënë se, “ekziston një zëvendësim elementar i tezës: një marrëveshje kompromisi për normalizimin e marrëdhënieve ndërmjet Kosovës dhe Serbisë, është proklamimi i “dorëzimit të Kosovës””, megjithëse sipas Iskenderov, “Serbia de fakto e ka humbur kontrollin mbi Kosovën në qershor të vitit 1999”.
Gjersa Filimonova, duke ju referuar përsëri publikimeve të Iskenderov, thotë se, “Iskenderov as në parim nuk e di se ekziston marrëveshja e Brukselit, ose e ka lexuar atë, por nuk e ka kuptuar përmbajtjen”, duke shtuar se “thelbi i marrëveshjes është ajo se autoritetet serbe braktisën vullnetarisht policinë e tyre, gjykatat dhe sistemin e sigurisë në tërë Kosovën, përfshirë këtu edhe transferimin e veriut në duart e separatistëve”.
Në anën tjetër, Iskenderov thotë se, “e vërteta është se nënshkrimi i një marrëveshje për normalizimin e marrëdhënieve ndërmjet Prishtinës dhe Beogradit, jo vetëm që nënkupton konsolidimin e situatës aktuale në Kosovë nën garancitë ndërkombëtare (përfshirë edhe Rusinë), por gjithashtu lejon që Serbia të marr në duart e saj çështjen e sigurimit të interesave të pakicës serbe në Kosovë”.
Dhe në fund, lidhur me një marrëveshje potenciale ndërmjet Kosovës dhe Serbisë vazhdojnë edhe më tutje kundërthëniet në artikujt e studiuesve rusë, të cilët janë autorë të agjencisë së njëjtë “Regnum”.
Në njërën anë Filimonova thotë se, “dorëzimi i Kosovës nga Vuçiq do të turpërojë përgjithmonë Rusinë dhe do ta konsiderojnë atë si një akt tradhtie”, ndërsa në anën tjetër, Iskenderov thotë se, “arritja e një marrëveshje të tillë është shumë e dobishme për Rusinë për sa i përket pjesëmarrjes së saj aktive në proceset politike në Ballkan”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Voziti me fëmijë në prehër – policia e dënon me 400 euro gjobë, 5 pikë negative dhe i merret patent shoferi për 6 muaj
Bytyqi: Një vit e gjysmë punuam në planin e rritjes, të ndërmarrim të gjitha proceset reformuese
Në Gjakovë zbulohet monumenti i Skënderbeut
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City