Rrëfimi emocionues i Clement Lenglet: Po kaloj kohë të vështirë, nëna ime është prekur nga coronavirusi

Coronavirusi ka bërë që të ndalohet futbolli dhe shumë lojtarë të prekën nga ky virus.

Pandemia që ka prekur gjithë botën ka shtyrë futbollistët të bëjnë ulje në pagat e tyre, por edhe të dhurojnë shuma të majme si donacione për ta luftuar këtë virus.

Kampioni në fuqi i Spanjës, Barcelona fatmirësisht nuk ka asnjë futbollist të infektuar nga ky virus dhe për këtë ka folur qendërmbrojtësi francez Clement Lenglet.

Megjithatë francezi ka rrëfyer se po e kalon këtë periudhë shumë vështirë, pasi nëna e tij që jeton në Francë është infektuar nga Covid-19.

“Izolimin jam duke e kaluar si gjithë të tjerët dhe kam fat që kam një shtëpi me oborr të madh ku mund të dal dhe të marrë ajër të pastër e duke bërë stërvitje”.

“Jam duke kaluar nëpër një moment shumë të vështirë, pasi nëna ime është prekur nga ky virus”.

“Po bisedoj çdo ditë me të dhe më ka treguar se është në gjendje të vështirë, por dua t’i falënderojë mjekët që po bëjnë një punë fantastike”, deklaroi Lenglet.

Krejt në fund qendërmbrojtësi francez foli edhe për mënyrën e stërvitjes në shtëpinë e tij.

“Nuk është se stërvitem si në kushtet normale. Këtë e bëjë në ambientet e shtëpisë, por edhe në oborr”.

“Sa i përket kampionatit evropian, UEFA bëri mirë që e shtyu atë për vitin 2021”, deklaroi Lenglet.

24-vjeçari është njëri nga mbrojtësit më në formë të Barcelonës, ku katalunasit i kanë bërë gati rinovimin e kontratës. /Telegrafi/