Izolimi i Britanisë së Madhe nga COVID-19, bën që ujërat e turbullta të këtij vendi të pastrohen dhe të ngjajnë me ato të vendeve tropikale

Fotografi të shkrepura nga ajri tregojnë edhe anën pozitive të mbylljes së Britanisë së Madhe për shkak të coronavirusit – ujërat e turbullta të brigjeve të këtij vendi tani janë bërë kristal të pastra.

Pamjet e shkrepura nga droni në Portsmouth, tregojnë se si deti duket shumë i ngjashëm me vendet tropikale – e kjo po ndodh për shkak të mos ndotjes së ujit nga anijet e shumta, të cilat nuk po lundrojnë si rezultat i izolimit nga pandemia e COVID-19, transmeton Telegrafi.

Mike Woods që ka shkrepur fotografitë dhe ka një biznes të familjes që punon me dronë të quajtur Solent Sky, ka thënë se shumë është përfolur për ngjyrën e ujit në këtë rajon.

Ngjyra e detit ndikohet nga shumë faktorë siç janë edhe rrezet e diellit që reflektojnë mbi sipërfaqe. Por, është edhe ndotja e ajrit dhe ujit me anije të shumta dhe hedhje të plastikës e gjësendeve tjera.

Megjithatë izolimi i qytetarëve të Britanisë së Madhe, ka bërë që ky ujë ta merr ngjyrën e ishujve tropikal që jemi mësuar t’i shohim nëpër filma. /Telegrafi/