Rivaldo mbush 48 vjet, ta kujtojmë het-trikun magjik të tij ndaj Valencias më 2001

Në vitin 2001, Barcelona ishte një superfuqi e zjarrtë nën trajnerin e ri Carles Rexach dhe njëri nga yjet kryesore të skuadrës ishte braziliani Rivaldo.

Larg suksesit të madh që do të shohim nën Frank Rjikaard dhe Pep Guardiola, Blaugranët po mundoheshin të kualifikohen në Ligën e Kampionëve në sezonin 2000/01.

Ata kërkuan një fitore kundër Valencias në Camp Nou në ditën e fundit të sezonit dhe ata ishin afër humbjes, para se të siguronin një fitore të madhe 3-2.

Lexo po ashtu Rivaldo zbulon histori nga e kaluara: Më pëlqente Unitedi, vetëm tek ta do të luaja në Ligën Premier

Por, ishte një njeri në atë ekip që nuk do të lejonte që kjo të ndodhte; Rivaldo Vitor Barbosa Ferreira.

Ikona braziliane dha një nga shfaqjet më të mëdha individuale ndonjëherë, duke shënuar një he-trik magjik me gola të bukura.

Kështu që në ditëlindjen e 48-të të Rivaldos, kemi vendosur të rikthejmë në kujtesë njërin nga het-trikat më të mirë në histori të futbollit.

Goli i parë i Rivaldos ishte shumë i bukur pas erdhi nga një distancë rreth 30 metra nga goditja e lirë.

Edhe goli i dytë ishte supergol dhe erdhi nga distanca, por kësaj radhe jo nga goditja e dënimit, por nga loja.

Qershia mbi tortë ishte goli i tretë dhe i fitores, me Rivaldon që pranoi një top të mirë me gjoks dhe pastaj nga 16 metra shënon supergol me gërshërë.

Rivaldo përfundoi karrierën e tij në Barcelona me 133 gola dhe 44 asistime në 236 ndeshje në të gjitha garat, dhe llogaritet si legjendë e klubit. /Telegrafi/

Rivaldo is 48 today. You remember him.

Left foot like Harry Potter’s wand. Scorer of one of the most magical hat-tricks since records began…

(📽@UncleStel)

https://t.co/gVYly0Xk0I

— A Funny Old Game (@sid_lambert) April 19, 2020