Ronaldo dhe Dybala janë kapur nga kamera duke i akuzuar mesfushorët për lojën e dobët ndaj Lyonit

Cristiano Ronaldo dhe Paulo Dybala janë kapur nga kamera duke e fajësuar mesfushën për humbjen e Juventusit nga Lyoni në Ligën e Kampionëve.

Kampioni i Italisë ishte favorit i madh për ta fituar përballjen ndaj klubit francez, mirëpo pësoi humbje prej 1-0 në Parc Olympique Lyonnais.

Lexo po ashtu Lyon fiton ndaj Juventusit, vendos goli i Tousart

Paraqitja në gjysmën e parë ishte shumë e dobët, kur edhe e pranuan golin nga Lucas Tousart, ndërsa dyshja e sulmit në zhveshtore e ka akuzuar mesfushën për lojën jo të mirë.

Derisa prisnin në tunel për të hyrë në fushë për pjesën e dytë, Ronaldo dhe Dybala duke mos e ditur se prapa po xhirohen në kamerë, kanë biseduar në spanjisht:

Ronaldo: “Na kanë lënë vetëm aty jashtë, mesfushorët nuk po na mbështesin”.

Dybala: “Askush nuk po e merr topin”.

Ronaldo: “E di, madje as topat e dytë, asgjë”.

Në pjesën e dytë, Juventusi u përpoq t’i ndryshonte gjërat, por pa sukses. Prandaj do ta kërkojë përmbysjen në ndeshjen kthyese në Torino. /Telegrafi/

Intervallo di lione-Juve, Ronaldo: " i centrocampisti non ci danno abbastanza supporto, siamo da soli"
Dybala: "non la prende nessuno"
Ronaldo: " si anche sulle seconde palle, niente" pic.twitter.com/hmD4VlOD45

— emilio (@emi_80_te) February 29, 2020