Nuk janë të kënaqur me Padellin, Interi rikthen në skuadër një ish-portier të vet

Lëndimi i Samir Handanovicit ka prishur qetësinë te Interi.

Portieri slloven pritet t’i mungojë për një kohë Interit dhe kjo gjë po e shqetëson trajnerin Antonio Conte.

Daniele Padello ka qenë titullar për Neroazzurët në dy takimet e fundit ndaj Udineses dhe Milanit, por te Interi nuk janë të kënaqur me të.

Conte nuk i beson shumë as portierit të tretë Tommaso Berni dhe ka kërkuar nga Marota të gjejë një zgjidhje tjetër.

Mediat italiane kanë raportuar se drejtori sportiv i Interit, ka arritur marrëveshje me portierin italian Emiliano Viviano.

34-vjeçari është pa klub që nga shtatori i vitit të kaluar dhe ka drejtë t’i bashkohet menjëherë Neroazzurëve.

Zyrtarizimi i Vivianos te Interi pritet të bëhet gjatë orëve të ardhshme, gjithnjë sipas medieve italiane.

Viviano nuk është i panjohur për zikaltërtit, pasi ai edhe më parë ka qenë pjesë e tyre.

Italiani ishte pjesë e Interit nga viti 2009 deri në vitin 2012, por pa luajtur në asnjë ndeshje zyrtare dhe qëndroi gjatë këtyre viteve si huazim për tu shitur pastaj përfundimisht te Palermo. /Telegrafi/