Numri i viktimave nga koronavirusi pritet të tejkalojë SARS-in

Një shtetas amerikan ka humbur jetën sot si pasojë e coronavirusit, derisa një shtetas japonez po ashtu ka ndërruar jetë si pasojë e virusit, derisa coronavirusi pritet të tejkalojë numrin e viktimave nga virusi SARS më 2002-2003.

Qytetari amerikan 60 vjecar, i diagnostikuar me koronavirus, ka vdekur në një spital në Wuhan, ku edhe kishte shpërthyer virusi, tha një zëdhënës i ambasadës amerikane.

Një japonez i hospitalizuar me pneumoni në Wuhan, po ashtu ka ndërruar jetë si pasojë e virusit.

Lexo po ashtu Ka arritur në 724 numri i të vdekurve nga coronavirusi, 34,915 persona janë të infektuar

Numri i viktimave në Kinë është rritur sot nga 86 në 724, sipas autoriteteve, derisa pritet të tejkalojë rekordin e virusit SARS që shënoi 774 viktima.

Nga nëntori i vitit 2002 deri në korrik të vitit 2003, numri i rasteve të raportuara ishte 8,098.

Dy viktima janë raportuar në Hong Kong dhe Filipine, derisa 330 raste janë paraqitur në rreth 27 shteteve të botës.

Coronavirusi shkakton infeksion të rëndë akut të frymëmarrjes dhe simptomat zakonisht fillojnë me ethe dhe kollë të thatë. /REL/