Tashmë BREXIT u realizua dhe askush nuk do që ditët e para pas tij të dukeshin kështu si tani, me gjithë rënien në tregjet kineze, si një ogur i keq për ekonominë në tërësi. Aktualisht, kur situata në Kinë nuk ka ende ndonjë ndryshim përcaktues, është e vështirë të vlerësohet se si do të ndikohet tregtia botërore, por diçka është e sigurt, me gjithë faktorët që kërcënojnë ekonominë, Boris Johnson, ashtu edhe Donald Trump duan vetëm një gjë, marrëveshjen tregtare ndërmjet dy vendeve.
Johnson ka nevojë për një rezolutë në lidhje me marrëdhëniet tregtare me Bashkimin Evropian, ndaj të paktën një përparim në lidhje me marrëveshjen e re të tregtisë së lirë me Shtetet e Bashkuara, do të shërbente si sinjal pozitiv. Tashmë tronditja ekonomike lidhur me coronavirusin në rritjen në Kinë dhe ndikimi që ka tek tregtia botërore, po i bën planet më të ndërlikuara, përcjell Telegrafi.
Nga ana tjetër qëndron Trump, i përfshirë në garën për një mandat të dytë për president. Ai ka arritur që nga luftërat tregtare të kërkojë marrëveshje, deri diku të arritura dhe deri më tani, ekonomia e fortë amerikane, e mbështetur nga disa politika fiskale të modës së vjetër dhe një bankë qendrore e etur për të kompensuar gabimet e politikës presidenciale, kanë ndihmuar në maskimin e kostove të tarifave dhe luftërave tregtare. Por ndikimi i një ngadalësimi të konsiderueshëm në Kinë do të jetë i vështirë për t’u fshehur.
Megjithatë, ngadalësimi i Kinës ka të ngjarë të krijojë më shumë pasiguri. Nëse zinxhirët e furnizimit global vazhdojnë të ngrirë si tani, apo edhe thjesht ngadalësuar, çështja ekonomike e Trump do të marrë një goditje të dukshme. Coronavirusi që tani po përhapet me shpejtësi, natyrisht kërcënon edhe kredencialet e paqes tregtare të Trump me Kinën. Së pari, kjo bën që 200 miliardë dollarët që kinezët premtuan të blejnë nga Amerika, kur nënshkruan fazën e parë të marrëveshjes, me shumë gjasë po shpenzohen tjetërkund, në një luftë me virusin vdekjeprurës.
Nga ana tjetër, nga fjalimi i pas BREXIT-it, Johnson parashtroi planet e tij tregtare si një rast optimizmi ekonomik britanik. Ai pret vërtet që një marrëveshje me SHBA-të të largojnë disi zymtësinë e ekonomisë botërore.
Pritet të shihet, pasi nga Kina ende asgjë nuk është e sigurt. /Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
Vazhdon rritja e çmimeve, tregtarët e hedhin fajin tek prodhuesit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe