Marc Gasol i trishtuar nga vdekja e Kobe Bryant: Vetëm dua të rikthehem në shtëpi dhe t’i përqafoj fëmijët

Marc Gasol është shprehur tejet i shokuar nga vdekja e Kobe Bryant në aksidentin me helikopterin me të cilin po udhëtonte.

Legjenda e basketbollit humbi jetën në aksidentin ajror e që aty ishin vajza e tij Gianna Mari dhe shtatë persona të tjerë.

Spanjolli i dëshpëruar tha se ai dëshiron vetëm që të rikthehet në shtëpi dhe t’i përqafoj fëmijët e tij, pasi ky lajm e ka shokuar atë.

Lexo po ashtu Helikopteri i Kobe Bryant tentoi të rikthehej në bazë para se të rrëzohej, por ishte duke fluturuar shumë poshtë

“Isha disi i shokuar dhe nuk dëshiroja të besoja në atë që po lexoja. Të gjithë dëshironin një konfirmim me atë çfarë po ndodhte, pasi nuk dëshironim ta besoni”, ka thënë Gasol.

“Nganjëherë duhet të gremë dolli se sa me fat që jemi për të mirat dhe profesionin që kemi. Në jetë asnjëherë nuk mund ta dini çfarë ndodh dhe kjo gjë ndodhi me Kobe”.

Lexo po ashtu Reagimi i LeBron James kur kuptoi për vdekjen e Kobe Bryant: Ai u largua nga aeroplani me të cilin po udhëtonin Lakers me lot në sy

“Ai ishte frymëzim për të gjithë ne, por nganjëherë mendojmë vetëm për pikët, ndeshjet e fituara, ligën dhe harrojmë për jetën tonë”.

Lexo po ashtu Konfirmohet: Në helikopterin ku humbi jetën Kobe Bryant, ishin nëntë persona duke përfshirë edhe pilotin

“Të gjitha këto mund të humbin për vetën një sekondë në aksident të tillë. Vetëm dua të shkoj në shtëpi dhe t’i përqafoj fëmijët e mi”, ka shtuar më tej ylli i Toronto Raptors

34-vjeçari duket se është i trishtuar nga kjo tragjedi me Kobe Bryant, e që pas intervistës ishte larguar me lot në sy. /Telegrafi/

Real Talk Marc Gasol 👏🏾🖤 https://t.co/CYLNLszrMC

— RIP MAMBA #24 (@LikoloSmith) January 27, 2020