Postimi i fundit që Bryant bëri para vdekjes, ishte urimi për LeBron James që ia theu rekordin

Kobe Bryant është një prej pikëshënuesve më të mirë në histori të NBA. Deri në javën e kaluar, ai ishte i treti në këtë listë me 33.644 pikë të shënuara në karrierën brilante.

LeBron James i shënoi 27 pikë në ndeshjen kundër Brooklyn Nets të enjten mbrëma duke e ngushtuar diferencën me Kobe në 17 pikë.

Kjo nënkuptonte se ai duhej t’i shënonte 18 pikë në duelin e të shtunës kundër Philadelphia 76ers për ta thyer rekordin e Bryant në listën e pikëshënuesve më të mirë të të gjitha kohërave në NBA.

Lexo po ashtu Reagimi i LeBron James kur kuptoi për vdekjen e Kobe Bryant: Ai u largua nga aeroplani me të cilin po udhëtonin Lakers me lot në sy

Dhe pikërisht këtë e bëri. James i shënoi 29 pikë duke u ngritur në vendin e tretë me 33.655 pikë, ndërsa para tij ndodhen vetëm Kareem Abdul-Jabbar dhe Karl Malone.

Bryant u shpreh i kënaqur me këtë arritje të LeBron, i cili luan për ish-ekipin e tij, Los Angeles Lakers, ashtu që e shfrytëzoi profilin e tij në Twitter për t’ia uruar këtë arritje. Fatkeqësisht, ky ishte postimi i fundit që ai e bëri.

Continuing to move the game forward @KingJames. Much respect my brother 💪🏾 #33644

— Kobe Bryant (@kobebryant) January 26, 2020

“Vazhdon ta dërgojë lojën përpara, Lebron James. Shumë respekt vëllai im, #33644 (duke iu referuar numrit të tij të pikëve)”, kishte shkruar Bryant në ditën e vdekjes. Një urim të ngjashëm, ai e kishte publikuar edhe në Instagram. /Telegrafi/

View this post on Instagram

On to #2 @kingjames! Keep growing the game and charting the path for the next. 💪🏾

A post shared by Kobe Bryant (@kobebryant) on Jan 25, 2020 at 8:18pm PST