Kryesia e Lidhjes Demokratike të Kosovës në mbledhjen e mbajtur sot, shprehu vullnetin dhe gatishmërinë për të arritur marrëveshje me Lëvizjen Vetëvendosje, duke bërë thirrje që kjo marrëveshje të finalizohet gjatë kësaj jave, marrë parasysh edhe afatin 15-ditësh për formimin e Qeverisë, të cilin e parasheh Kushtetuta pas dekretimit të mandatarit për Kryeministër, që u bë të hënën nga Presidenti Hashim Thaçi.
Në deklaratën pas takimit, LDK kërkon që LVV ta trajtojë në mënyrë të veçantë ofertën e tyre të bërë ditë më parë në lidhje me ndarjen e pushtetit.
LDK-ja ka kërkuar pozitën e Kryeparlamentarin, kërkesë kjo që është refuzuar në letrën e fundit që Kurti i ka dërguar Mustafës, duke i ofruar 6 ministri, dhe duke u pajtuar edhe për çështjen e zgjedhjes së Presidentit.
Pas deklaratës së LDK-së, ka reaguar edhe deputetja e zgjedhur e LVV-së, Arbërie Nagavci e cila ka thënë se e vlerëson këtë vullnet që e ka shprehur LDK-ja për të arritur marrëveshje këtë javë, dhe shpreson të mos jetë kushtëzim.
Këtë gjendje në të cilën gjendet politika në Republikën e Kosovës, analisti Belul Beqaj në një prononcim për Telegrafin, e ka vlerësuar si situatë në shpërputhje me premtimet e LDK-së dhe LVV-së që i kanë bërë gjatë fushatës.
Kërkesa kyçe e LDK-së është dorëheqja e Glauk Konjufcës nga posti i kryetarit të Kuvendit, gjë të cilën deri më tani nuk po e pranon assesi LVV-ja, por që sipas Beqajt do të duhej të ndodhte, pasi kontributi i Konjufcës në zhbllokim të situatës, do të rriste autoritetin e tij.
“Mes shtimit të ministrive dhe dorëheqjes së kryetarit të Parlamentit besoj se çdo analizë objektive është në favor të dorëheqjes së kryetarit të parlamentit. Autoriteti i Glauk Konjufcës nuk është krijuar, as që rrezikohet nga postet, por ai vetëm mund te ritet nëse kontribuon ne zhbllokimin situatës , ndërsa çështja e presidentit duhet te ketë vetëm epilog te formulimit konsensual”, u shpreh Beqaj.
Beqaj mendon se edhe nëse bëhet marrëveshja është shumë e vështirë që të kthehet shpresa te qytetarët, dhe sipas tij marrëveshja do të bëhet gjithsesi, ndonëse jo me vullnetin e liderëve të LDK-së e LVV-së, por me ndikimin e ndërkombëtarëve, pasi ata nuk do ta lejojnë nëpërkëmbjen e kontributit që kanë dhënë në krijimin e shtetit të Kosovës.
“Situata e krijuar është ne shpërputhje me premtimet e partnerëve qe krijuan shpresën. Realisht edhe nëse arrihet marrëveshja e koalicionit shume vështirë do te arrihet besimi dhe kthehet shpresa e premtuar. Marrëveshja do të arrihet, jo pse partneret kosovar janë racionalë, por pse qendrat e vendosjes ndërkombëtare, të cilat vendosmërisht ndikuan të krijohet shteti i Kosovës, nuk do të lejojnë që faktorët e papërgjegjshëm politik të Kosovës të nëpërkëmbin edhe kontributin e tyre”, tha Beqaj. /Telegrafi/
Lufta Prigozhin - Putin
Më shumëNga Rubrika
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Në Tupallë të Medvegjës mbahet manifestimi “Takimet e Vendlindjes”
Prokuroria jep detaje për plagosjen e katër personave në Lupç të Podujevës
Njëri nga katër të plagosurit në Lupç të Podujevës është në rrezik për jetë
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Ndalohen për 48 orë pesë të dyshuar për rastin e plagosjes në Lupç
Mjeti lundrues pësoi defekt në det, policia shpëton 11 turistë në Vlorë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës