Mediumi zviceran me rrëfim të veçantë për Edon Zhegrovën – Ndihmohet nga Xhaka, prindërit i ka gjithmonë afër vetes
Kur Edon Zhegrova tregon aftësitë e tij në futboll, nëna Sanije dhe babai Lulzim janë gjithmonë aty. Ata gjenden me Edonin edhe në përgatitjet para-sezonale në Marbella.
Mediumi i njohur zviceran Blick ka bërë një rrëfim për djaloshin e artë nga Kosova, Edon Zhegrova dhe jetën e tij me prindërit afër vetes.
Zhegrova, 20-vjeçari nga Kosova me teknik të përsosur po bën atë që i pëlqen të bëjë më shumë në miqësoren kundër VfB Stuttgart (0-2) të hënën: ai driblon dhe tregon aftësitë e tij me topin.
Me nisjet drejt sulmit, ai është ndoshta lojtari më i paparashikueshëm, i guximshëm dhe spektakolar në Superligën e Zvicrës. “Cirku i Zhegrovës”, “Njeriu i shfaqjeve”, “I llastuari” janë disa nga epitet. Tifozëve u pëlqen, shton Blick, përcjell Telegrafi.
Problemi i tij: mbrojtja. Ylli shqiptar shumë i vë në siklet bashkëlojtarët e tij mbrojtës me veprime të rrezikshme ose harron plotësisht të mbrohet.
Anësori sulmues ka qenë në Basel që nga shkurti i kaluar dhe që nga shkurti i kaluar ata përpiqen të futin një ndërgjegje mbrojtëse tek i huazuari nga Genk.
“Ai ka punuar vetë dhe tani ka bërë përparim”, ka thënë drejtori sportiv i Baselit, Ruedi Zbinden.
Taulant Xhaka e ndihmon Zhegrovën
Zhegrova duket se ngadalë po i merr në zemër udhëzimet taktike të trajnerit Marcel Koller dhe tani ai gjithashtu duket se e gjen veten të duhur në ekip.
Mbi të gjitha, Taulant Xhaka, i cili flet të njëjtën gjuhë, e ndihmon. “Tauli kujdeset shumë mirë për të”, shton Zbinden, transmeton Telegrafi.
Sepse edhe pse Zhegrova lindi në Herford të Gjermanisë, ai nuk flet gjermanisht. Familja e tij u kthye në Prishtinë pas luftës kur Edoni i vogël ishte vetëm dy vjeç.
Kur nënshkroi një kontratë trevjeçare me Genk në verën 2017, nëna Sanjie dhe babai Lulzim gjithashtu u transferuan në Hasselt në Belgjikë.
Ndërkohë, familja Zhegrova pothuajse jetojnë në Basel, pasi që prindërit e tij e vizitojnë shpesh. Ata madje udhëtuan për në Spanjë në kampin stërvitor para-sezonal.
“Ata morën pushime shtesë”
Zhegrova është zëvendësuar në ndeshjen ndaj Stuttgart pas pjesës së parë sepse ai mori një goditje në gjoks dhe kjo i dhembi.
“Asgjë e keqe”, thotë ai dhe përshëndet prindërit e tij. “Ata morën pushime shtesë për të ardhur këtu”, shton Edoni duke qeshur.
Dhe gjithashtu që ata e vizitojnë atë aq shpesh në Basel është e lezetshme: “Nuk është aq larg”, thotë Zhegrova, ndërsa nëna e tij buzëqesh. “Neve na pëlqen këtu”, thotë zonja Sanije.
“Sigurisht që është mirë për të që prindërit e tij ta vizitojnë kaq shpesh”, ka thënë drejtori Zbinden.
Sa kohë do të qëndrojë Zhegrova në Basel ende nuk dihet. Kontrata e tij si huazim skadon gjatë verës. Baseli ka kohë deri në maj të ushtrojë mundësinë e blerjes.
Mamaja dhe babai i Zhegrovës janë gjithmonë të mirëpritur në Basel, mbyllet shkrimi i mediumit të madh zviceran. /Telegrafi/
Lufta Prigozhin - Putin
Më shumëNga Rubrika
Arsenali bën gati 50 milionë euro për top mesfushorin e Real Sociedadit
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Tuchel e ka analizuar Real Madridin në detaje – por zbulon një shqetësim të madh para ndeshjes
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
Salah dhe Klopp përfshihen në një përplasje të furishme verbale – egjiptiani duhej të qetësohej nga Nunez
Klubi i ka 2,2 milionë euro borxh, ylli i Kosovës tregon si e ndërpreu kontratën falë FIFA-s
Pamje të reja nga përplasja e Salahut me Kloppin tregojnë saktësisht se çfarë ka ndodhur
Tuchel e ka analizuar Real Madridin në detaje – por zbulon një shqetësim të madh para ndeshjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë