Për shumë prej ushtarëve, ky do të ishte misioni i tyre i parë. Ata paketuan municionet dhe pushkët, bënë thirrjet e fundit të telefonit me të dashurit e tyre dhe disa edhe dhanë gjak.
Kështu e fillon shkrimin mediumi britanik Reuters, duke bërë një përshkrim të nisjes së 600 ushtarëve kryesisht të rinj në Fort Bragg, Karolina e Veriut, të cilët u nisën për në Lindjen e Mesme, përcjell Telegrafi.
Bëhet fjalë për grupin e ushtarëve, pjesë e një grupi prej 3.500 paratrupave amerikanë të cilët janë nisur drejt rajonit të trazuar.
Dhe siç thuhet më tej, Kuvajti është ndalesa e parë për shumë prej tyre ndërsa destinacionet e tyre përfundimtare janë të ndarë.
“Ne po shkojmë në luftë, vëlla!”, është dëgjuar të thoshte njëri prej tyre, duke mbajtur dy gishtat lartë.
Sipas shkrimit të Reuters, disa ditë pasi presidenti amerikan Donald Trump urdhëroi vrasjen me dronë të komandantit ushtarak iranian Qassem Soleimani, duke ngritur frikën e konfliktit në Lindjen e Mesme, burrat dhe gratë e Divizionit të 82-të Ajror të Ushtrisë amerikane po lëvizin në “dislokimin më të shpejtë” që nga tërmeti i Haitit i vitit 2010.
Ka qenë Gjeneral Majori i Ushtrisë amerikane James Mingus ai që përshkoi grupin e burrave dhe grave me uniformë kamuflazhi ndërsa përgatiteshin të linin bazën pranë Fayetteville të dielën. Ai shtrëngoi duart me trupat, duke iu uruar fat.
Siç thuhet ndër tjerash në shkrim, përcjell Telegrafi, ushtarët u urdhëruan të mos sjellin telefona celularë ose pajisje të tjera që mund të përdoren për të komunikuar me miqtë dhe familjen në shtëpi, nga shqetësimi se mund të “kuptohen” detajet e lëvizjeve të tyre.
Kujtojmë se rritja e shqetësimit për përshkallëzim të situatës në rajon ka ardhur pasi presidenti amerikan, Donald Trump autorizoi një sulm ndaj Qassem Soleimani.
Soleimani, arkitekti i operacioneve klandestine dhe ushtarake të Teheranit, si shef i forcave të Qudsit të Gardës Revolucionare, u vra të premten në një sulm me dronë amerikanë derisa gjendej në një kolonë në aeroportin e Bagdadit.
Si përgjigje, autoritetet iraniane thuhet se kanë bërë të ditur se do të ofrojnë një shpërblim prej 80 milionë dollarësh për kokën e presidentit amerikan Donald Trump, pas vrasjes së gjeneralit Qasem Soleimani.
Sipas mediave, një “ofertë e tillë” është bërë gjatë transmetimit televiziv të funeralit nga transmetuesit zyrtarë shtetërorë.
Veç kësaj, Irani ka bërë të ditur se nuk do të respektojë me asnjë kufizim të marrëveshjes bërthamore të vitit 2015, njoftoi të dielën televizioni shtetëror i vendit.
Gjithashtu, vrasja e gjeneralit iranian ka ndikuar që një vendim të merret edhe nga Parlamenti i Irakut, i cili ka nxjerrë një rezolutë me të cilën kërkohet largimi i trupave amerikane nga vendi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Urdhri për të sulmuar Rafahun do të jepet “shumë shpejt”, paralajmëron Izraeli
Policia izraelite bastis zyrat e Al Jazeera në Jerusalem
Paketa ushtarake amerikane do ta ndihmojë Ukrainën të nisë ofensivë kundër rusëve, njofton këshilltari i sigurisë kombëtare të SHBA-së
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Agjencitë e inteligjencës paralajmërojnë se Rusia po komploton sabotim në të gjithë Evropën
Deputetja britanike Alicia Kearns shpërndan videon e intervistës së Vuçiqit që thotë se Tajvani është Kinë
U përplas me veturë në portën e oborrit të Shtëpisë së Bardhë, humb jetën shoferi
Dhjetë aeroportet më të pastra në botë - vetëm një është në Evropë
Izraeli ia ndalon punën televizionit Al Jazeera
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak