LAJMI I FUNDIT:

Kush është në anën e kujt? Aleatët dhe armiqtë e Iranit në Lindjen e Mesme, në rast të shpërthimit të një konflikti

Kush është në anën e kujt? Aleatët dhe armiqtë e Iranit në Lindjen e Mesme, në rast të shpërthimit të një konflikti

Irani mund të jetë në prag të ndezjes së një lufte botërore në varësi të asaj se si i përgjigjet vrasjes së gjeneralit Qassem Soleimani.

Në këtë drejtim, mediat kanë publikuar një hartë që thuhet se detajon se kush janë aleatët dhe armiqtë e saj në rajon.

Në një shkrim të publikuar nga DailyStar, përcjell Telegrafi, shtrohet pyetja: Lindja e Mesme është në buzë të konfliktit me frikën e nisjes së Luftës së Tretë Botërore, por kush është në anën e kujt?

Siç rikujton mediumi në fjalë, gjenerali iranian Qassem Soleimani u vra nga Shtetet e Bashkuara të premten e kaluar në një sulm vdekjeprurës me raketa duke nxitur reagime në të gjithë botën.

Ky veprim i amerikanëve ka shkaktuar një krizë në rajon dhe provokoi kërcënime për hakmarrje nga regjimi islam.

Sa do ta përballonte Irani një konfrontim me SHBA-në? Të dhëna që tregojnë fuqinë e dy ushtrive, përmes shifrave
Lexo po ashtu Sa do ta përballonte Irani një konfrontim me SHBA-në? Të dhëna që tregojnë fuqinë e dy ushtrive, përmes shifrave

Dhe ky medium vlerëson se Lindja e Mesme është një rajon i ndërlikuar me aleatë dhe armiq të betuar pranë njëri-tjetrit.

Një hartë detajon tablonë e ndërlikuar në Lindjen e Mesme midis aleatëve dhe armiqve të Iranit

Kështu, DailyStar, ka publikuar një hartë ku detajohet se kush është në anën e kujt në konfliktin e rajonit.

Sipas hartës, Irani është aleat me Irakun ndërsa Siria, Libani dhe Jemeni janë të ndarë në mbështetjen e tyre.

Forcat anti-iraniane, të kryesuara nga SHBA, janë Arabia Saudite, Emiratet e Bashkuara Arabe dhe Izraeli.

Ndërsa Katari, Kuvajti, Omani dhe Jordani që luajnë “karta të ndryshme” në konflikt.

Trump kishte para vetes disa opsione dhe ai zgjodhi "më ekstremin" - mediat amerikane tregojnë se si erdhi deri te vendimi për vrasjen e gjeneralit iranian
Lexo po ashtu Trump kishte para vetes disa opsione dhe ai zgjodhi "më ekstremin" - mediat amerikane tregojnë se si erdhi deri te vendimi për vrasjen e gjeneralit iranian

“Dy koalicione kundërshtare në Lindjen e Mesme përcaktojnë një rivalitet që kërcënon të copëtojë rajonin”.

“Ndërsa konkurrenca për dominim intensifikohet, konfrontimi midis rrjetit të Iranit dhe aktorëve shtetërorë dhe jo-shtetërorë dhe një kundër-fronti të aleatëve tradicionalë perëndimorë – me Arabinë Saudite, Emiratet e Bashkuara Arabe dhe Izraelin – është bërë linja qendrore e betejës së rajonit”, thuhet në shkrim.

Ndërkohë, duke iu referuar zhvillimeve të fundit në rajon, kryeministri i Mbretërisë së Bashkuar, Boris Johnson, presidenti Francez, Emmanuel Macron dhe kancelarja gjermane Angela Merkel – të gjithë bënë thirrje për “de-përshkallëzim” nga të dy palët, shkruan Daily Star.

Në një deklaratë të përbashkët të lëshuar vonë të dielën, të tre udhëheqësit thanë: “Ne u bëjmë thirrje të gjitha palëve të ushtrojnë përmbajtje dhe përgjegjësi maksimale. Cikli aktual i dhunës në Irak duhet të ndalet”.

“Ne në mënyrë specifike i bëjmë thirrje Iranit që të përmbahet nga veprime të mëtejshme të dhunshme, dhe i bëjmë thirrje Iranit të kthejë të gjitha masat në kundërshtim me JCPOA (marrëveshja bërthamore e Iranit).

Vrasja e gjeneralit, Irani shkon një hap më tej - ofron dhjetëra miliona dollarë shpërblim "për kokën e Donald Trump"!
Lexo po ashtu Vrasja e gjeneralit, Irani shkon një hap më tej - ofron dhjetëra miliona dollarë shpërblim "për kokën e Donald Trump"!

“Ne kujtojmë përkushtimin tonë ndaj sovranitetit dhe sigurisë së Irakut. Një tjetër krizë rrezikon të rrezikojë vitet e përpjekjeve për të stabilizuar Irakun”.

“Ne gjithashtu riafirmojmë angazhimin tonë për të vazhduar luftën kundër Daesh (ISIS), gjë që vazhdon të mbetet një prioritet i lartë”.

Udhëheqësi Suprem i Iranit, Ajatollahu Ali Khamenei flet për vdekjen e komandantit Qasem Soleimani

“Ruajtja e Koalicionit është thelbësore në këtë drejtim. Prandaj, ne nxisim autoritetet irakiane që të vazhdojnë t’i ofrojnë Koalicionit të gjithë mbështetjen e nevojshme”.

“Ne jemi të gatshëm të vazhdojmë angazhimin tonë me të gjitha palët, në mënyrë që të kontribuojmë në zbutjen e tensioneve dhe rivendosjen e stabilitetit në rajon”.

Kujtojmë se rritja e shqetësimit për përshkallëzim të situatës në rajon ka ardhur pasi presidenti amerikan, Donald Trump autorizoi një sulm ndaj Qassem Soleimani.

Soleimani, arkitekti i operacioneve klandestine dhe ushtarake të Teheranit, si shef i forcave të Qudsit të Gardës Revolucionare, u vra të premten në një sulm me dronë amerikanë derisa gjendej në një kolonë në aeroportin e Bagdadit.

Khamenei nuk mban lotët: Pamje që tregojnë se sa i rëndësishëm ishte gjenerali i vrarë, për udhëheqësin supreme të Iranit
Lexo po ashtu Khamenei nuk mban lotët: Pamje që tregojnë se sa i rëndësishëm ishte gjenerali i vrarë, për udhëheqësin supreme të Iranit

Si përgjigje, autoritetet iraniane thuhet se kanë bërë të ditur se do të ofrojnë një shpërblim prej 80 milionë dollarësh për kokën e presidentit amerikan Donald Trump, pas vrasjes së gjeneralit Qasem Soleimani.

Sipas mediave, një “ofertë e tillë” është bërë gjatë transmetimit televiziv të funeralit nga transmetuesit zyrtarë shtetërorë.

Veç kësaj, Irani ka bërë të ditur se nuk do të respektojë me asnjë kufizim të marrëveshjes bërthamore të vitit 2015, njoftoi të dielën televizioni shtetëror i vendit.

Gjithashtu, vrasja e gjeneralit iranian ka ndikuar që një vendim të merret edhe nga Parlamenti i Irakut, i cili ka nxjerrë një rezolutë me të cilën kërkohet largimi i trupave amerikane nga vendi. /Telegrafi/

Në trend Botë

Më shumë
Xhakarta më nuk do të jetë kryeqyteti i Indonezisë

Xhakarta më nuk do të jetë kryeqyteti i Indonezisë

Azia
Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Evropa
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Evropa
Scholz: Paqja në Ukrainë është e mundur në çdo moment, vetëm Putin le t’i tërheq trupat

Scholz: Paqja në Ukrainë është e mundur në çdo moment, vetëm Putin le t’i tërheq trupat

Evropa
Ukrainasit godasin me HIMARS-in amerikan sistemin e mbrojtjes kundërajrore ruse BUK – e hedhin në erë me goditjen direkte

Ukrainasit godasin me HIMARS-in amerikan sistemin e mbrojtjes kundërajrore ruse BUK – e hedhin në erë me goditjen direkte

Evropa
Ukraina po përpiqet të krijojë lidhje me aleatin historik të Rusisë, Indinë

Ukraina po përpiqet të krijojë lidhje me aleatin historik të Rusisë, Indinë

Botë
Kalo në kategori