Viti 2019, ishte shpallur si “viti i ekonomisë” në Kosovë nga Qeveria tashmë në largim, por përkundër rritjes prej pak më shumë se 4 për qind, sipas përfaqësuesve të biznesit, në planin ekonomik nuk ka ndodhur ndonjë ndryshim i madh pozitiv.
Drejtori ekzekutiv i Odës Ekonomike Amerikane në Kosovë, Arian Zeka, në një intervistë për Telegrafin me gazetarin Albert Spahiu, ka thënë se deri në fund të vitit ka shumë pak rezultate sidomos në tërheqjen e investimeve të huaja direkte.
Ai tregon se norma e rritjes nuk është e mjaftueshme për të garantuar zhvillim të qëndrueshëm ekonomik të vendit.
“Ka filluar mirë së paku në aspektin deklarativ duke e shpallur vitin 2019 si vit i zhvillimit ekonomik me një dialog më të theksuar me asociacionet e biznesit, por edhe me vizitat në kompanitë private. Ishte një sinjal mjaftë pozitiv për zhvillimet që mund të na prisnin për gjatë të tërë vitin 2019. Fatkeqësisht zhvillimet politike në pjesën e dytë të vitin 2019, realisht e dëshmuan të kundërtën, në fund të vitit jemi më shumë pak rezultate sidomos në tërheqjen e investimeve të huaja direkte”, tha Zeka.
Zeka thotë se Kosova ka potenciale të mëdha për tërheqjen investimeve të e huaja, sipas tij, këto potenciale nuk po arrihen të promovohen para investitorëve ashtu siç duhet.
“Norma e rritjes e prezantuar nga Banka Qendrore e Kosovës është vlerë reale, prezanton kapacitet e ekonomisë sonë, në vend të parë të sektorit privat si gjenerues i zhvillimit ekonomik. Fatkeqësisht nuk është e mjaftueshme as për të krijuar vende të reja të punës, as për të garantuar zhvillim të qëndrueshëm ekonomik të vendit dhe e as për të përmirësuar rrjedhimisht edhe mirëqenien e qytetarëve. Fatmirësisht, Kosova ka potenciale të mëdha, të cilat mund të tërheqin investimet e huaja direkte, por fatkeqësisht këto potenciale nuk po arrijmë t’i promovojmë para investitorëve ashtu siç duhet, ose shpesh mbesin në hije për shkak të problemeve siç është sundimi i dobët i ligjit, zbatueshmëria e dobët e kontratave dhe perceptimi i lartë për korrupsionin”, u shpreh ai.
Ai në këtë intervistë, rënien e Kosovës në raportin “Doing Business 2019″ e sheh si moszbatim i thirrjeve të përfaqësuesve të biznesit për reforma.
“Kosova pavarësisht që nuk ka pasur zhvillime negative në aspektin e të bërit biznes, së paku nuk ka arritur ta mbajë trendin e reformave të cilat janë iniciuar nga viti 2013, ku katër apo pesë vitet e fundit na kanë mundësuar që ta kemi një renditje mjaftë të mirë. Në dy vitet e fundit, pozita jonë është përkeqësuar për 17 vende, nga veni i 40-të në vendin e 57-të. Ajo se çfarë është për keqardhje është se nuk janë marr parasysh thirrjet e Odës Ekonomike Amerikane e as asociacioneve të tjera të biznesit dhe një sërë qëndrimesh që kemi pasur gjatë vitit 2019 edhe paraprakisht”, shton Zeka.
Në këtë intervistë, Zeka ka folur edhe për vështirësitë e të bërit biznes dhe cilat duhet të janë objektivat e Qeverisë së ardhshme. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
A jeni gati për mbrëmjen e Maturës?
Bëhu banor i kryeveprës së Prizrenit - Grand Residence
Shefja e USAID: Vlerësimi i Kosovës nga FITCH tërheqë investime të huaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'