Pozicioni i gjumit që rrit rrezikun e vdekjes foshnjore: Këto janë rekomandimet e Akademisë Amerikane të Pediatrisë për çdo prind
Kur doni që ta vini foshnjën në gjumë, madje edhe kur dremit, shtrijeni gjithmonë në shpinë. Ky është pozicioni më i sigurt i gjumit, për të ulur rrezikun e sindromës së vdekjes së papritur të foshnjës (SVPF)
Ndonjëherë e quajtur edhe vdekja në gjumë, SVPF-ja është vdekja e papritur dhe e pashpjegueshme e një foshnje nën moshën një vjeç.
Studimet kanë treguar se foshnjat, të cilat vendosen të flenë barkas, kanë më shumë gjasa të ndërrojnë jetë nga SVPF-ja, krahasuar me ato që flenë në shpinë. Por edhe rreziku i foshnjave që flenë anash, është po aq i madh, ndoshta ngaqë nga ky pozicion, mund të kthehen shumë lehtë barkas.
Që prej vitit 1992, kur Akademia Amerikane e Pediatrisë nisi të rekomandonte të fjeturin në shpinë, përqindja e SVPF-ve në Shtetet e Bashkuara ka rënë ndjeshëm.
Nga ky pozicion gjumi bëjnë përjashtim ato foshnja, problemet shëndetësore të së cilave i detyrojnë që të flenë barkas.
Në rast se foshnja juaj ka lindur me një defekt, vjell shpesh pasi ha, ka probleme me frymëmarrjen, mushkëritë ose zemrën, këshillohuni me mjekun pediatër për të mësuar se cili është pozicioni më i mirë i gjumit për të.
Sigurohuni që kushdo që kujdeset për foshnjën, ta dijë që duhet ta shtrijë me shpinë. Këtu mund të përfshihen gjyshërit, infermieret, kujdestaret, miqtë dhe persona të tjerë.
Disa foshnjave nuk para ju pëlqen të flenë me shpinë, por do të mësohen shpejt me këtë pozicion.
Shumë prindër kanë frikë se foshnja e tyre do të mbytet nëse vjell, kur është duke fjetur në shpinë, por mjekët nuk kanë konstatuar se ky pozicion ka lidhje me këtë gjë.
Disa foshnjave që flenë në shpinë, mund t’u shtypet pjesa e pasme e kokës. Në shumicën e rasteve, kjo gjë zhduket pasi fëmija mëson të drejtojë trupin.
Ju mund ta ndihmoni foshnjën të ketë një formë normale të kokës, duke ia ndryshuar shpesh pozicionin në krevat. Në këtë mënyrë, foshnja nuk do të flejë gjithmonë vetëm në një pozicion.
Disa këshilla të tjera që mund të zvogëlojnë rrezikun e SVPF-së:
⦁ Ushqejeni foshnjën me qumësht gjiri. Ndonëse arsyet nuk janë krejtësisht të qarta, ushqyerja me gji mund t’i mbrojë ndaj SVPF-së.
⦁ Visheni foshnjën me një kimono ose vendoseni në thesin e gjumit. Duke vepruar kështu, nuk është e nevojshme ta mbështillni me batanije dhe të shqetësoheni nëse ajo e pengon të marrë frymë.
⦁ Zgjidhini me kujdes shtrojat. Përdorni një dyshek të fortë. Mos përdorni jastëk të fryrë, pasi ai mund ta pengojë foshnjën të marrë frymë, nëse e ngjesh fytyrën pas tij. Për të njëjtën arsye, mos lini në krevatin e foshnjës jastëkë apo lodra prej pelushi.
⦁ Mos pini duhan ose mos e ekspozoni foshnjën ndaj tymit. Foshnjat, nënat e të cilave kanë pirë duhan gjatë shtatzënisë dhe vazhdojnë edhe pas saj, janë trefish më të rrezikuara nga SVPF-ja krahasuar me foshnjat, nënat e të cilave nuk pinë duhan.
⦁ Mbajeni temperaturën në nivel të përshtatshëm. Në rast se foshnja është djersitur në qafë apo fytyrë, do të thotë se ka vapë. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
Nikolloski: Shqipëria nuk do të bëhet kurrë anëtare e BE-së
Një nga lojtarët më të mirë në botë në pozitën e tij nuk rinovon - pret Real Madridin për ofertë
“Ka me pasë shumë akuza, ndoshta edhe arrestime”, Abrashi i LVV-së: Kjo është arma e fundit e opozitës, prokuroria e kapur
Ushtarët izraelitë hedhin trupat e pajetë të palestinezëve nga ndërtesa - Izraeli nis hetimet pas publikimit të pamjeve rrëqethëse
Lojtarët e Bayernit të acaruar me një vendim që ka marrë Kompany
Hansi Flick po përgatit një transferim befasues te Barcelona për afatin e janarit