Conte për fitoren ndaj Sampdorias: Këta djem janë fantastikë

Antonio Contes duket se i ka pëlqyer shpirti luftarak i skuadrës së Interit në fitoren 1-3 ndaj Sampdorias, sidomos pas përjashtimit nga loja të Alexis Sanchez në fillimin e pjesës së dytë.

Nerazzurët tashmë kanë arritur gjashtë fitore në po aq ndeshje të zhvilluar në Serie A, diçka që vetëm Helenio Herrera e ka arritur në sezonin 1966/67.

“Jam shumë i kënaqur me fitoren. Janë disa ndeshja që kur ju luani me një ide të qartë dhe keni shumë shanse, ju duhet ta përfundoi ndeshjen më herët”, ka thënë Conte për Sky Sport Italia.

“Është e jashtëzakonshme, pasi ishim 2-0 qysh në pjesën e parë dhe lamë gjithçka të hapur për pjesën e dytë. Ajo gjë mund ta kishte vrarë çdo skuadër, por jo ne, jo këta djem”.

Lexo po ashtu Katër gola të shënuar dhe një karton i kuq, Interi fiton ndaj Sampdorias

“Ishte një ide e mirë nga ne që të inkuadronim lojtarë nga banka rezervë dhe ta mbanim balancin. Ne shënuam tri gola, por mund të kishim shënuar më mirë, jam i kënaqur”, ka shtuar më tej strategu italian.

Në xhiron e shtatë Interi do të përballet me Juventusin në Giuseppe Meazza, e që aty do të vendoset se kush do të jetë lider. /Telegrafi/