Situata e James, tani Real Madridi duhet të vendos: Atletico Madridi ose Napoli

Zinedine Zidane i ka treguar James Rodriguezit se nuk është në planet e tij dhe lojtari tashmë është pajtuar me vendimin.

Kanë kaluar dy vjet prej largimit të parë dhe situata duket se është në të njëjtën pikë.

Francezi nuk e pëlqen Jamesin për ekipin e tij dhe nuk e ka problem ta fshehë këtë.

Mesazhi i tij ishte i qartë kur ai nuk u ftua për ndeshjet miqësore.

Tani është koha që situata e tij të zgjidhet nga Real Madridi, duke ia gjetur një destinacion të ri.

Napoli nuk ngutet

Ishte skuadra e parë që e kërkoi atë këtë verë. Carlo Ancelotti nuk ka arritur të fshehë dobësinë e tij për Jamesin dhe i ka bërë kërkesë presidentit De Laurentiis.

Problemi qëndron në mënyrën e pagesës. Madridi pranon vetëm një shumë prej 40 milionë euro të paguara menjëherë, ndërsa italianët e duan në huazim me të mundësi blerje.

Afati i fundit në Itali është 18 gushti.

Edhe Atletico nuk e kanë fshehur pëlqimin për kolumbianin

Ishte opsioni më i afërt derisa Atletico e mposhti keq Real Madridin duke i shënuar shtatë herë në miqësoren në SHBA.

Situata mori një kthesë totale, por nuk është mbyllur ende. Ata nuk janë me nxitim për të mbyllur marrëveshjen pasi kanë afat deri në 2 shtator. /Telegrafi/