Interi thuhet se ka rritur ofertën për Lukakun

Interi ka ngritur ofertën e tyre për Romelu Lukakun në 80 milionë euro, raporton ANSA, por sipas mediumit FcInter1908, ata nuk do të kalojnë shifrën e 73 milionë eurove.

Sipas agjencisë së lajmeve ANSA, Interi ka lëvizur pasi ka ndjerë një ngërç në marrëveshjen e propozuar të Juves me Manchester United që përfshin Paulo Dybalan dhe ndoshta Mario Mandzukicin.

Sidoqoftë, paralajmërohet që Napoli është gati të ofrojë para të gatshme plus Arkadiusz Milik për të tunduar Unitedin në shitjen e belgut.

Lexo po ashtu Dybala kërkon pagë të lartë, zbehen gjasat që të ndodhë shkëmbimi me Lukakun

Në anën tjetër, sipas FCInter1908 dhe Gazzetta dello Sport, Nerazzurrët do të kthehet përsëri për belgun, nëse Dybala përfundimisht zgjedh kundër një kalimi në Old Trafford.

Për më tepër, ata do të shpresojnë që Unitedi të zvogëlojë për 10 milionë euro vlerësimin i tyre prej 83 milionë eurosh për 26-vjeçarin dhe të arrijë ta transferojë për 70 milionë euro plus bonuse.

Në ndërkohë, Mediaset dhe Sportitalia presin që drejtori sportiv i Bianconerëve, Fabio Paratici të fluturojë nesër drejt Londrës me qëllim që të bie dakord për një marrëveshje për të shkëmbyer argjentinasin me Lukakun. /Telegrafi/