Islanda, vendi me çmimet më të shtrenjta në Evropë

Burimet e nxehta të Islandës nuk janë e vetmja gjë që i bën turistët të djersijnë, pasi një shikim mbi faturën e hotelit apo restorantit, do t’iu tregojë se thuajse gjithçka atje kushton shumë, ndonjëherë shumë më shumë se kudo tjetër në Evropë.

Sipas Eurostat, në ishullin nën arktik, çmimet janë mesatarisht 56 për qind më të larta se në pjesën tjetër të Evropës, çka e bën Islandën vendin më të shtrenjtë, para Zvicrës me 52 për qind, Norvegjisë me 48 për qind dhe Danimarkës me 38 për qind.

Një shikim i thjeshtë në menynë e një restoranti në Islandë mund të të tregojë se një picë me djathë do t’iu kushtojë 2,400 kronor ose rreth 17 euro, një gotë verë të paktën 10 euro dhe një krikëll birrë rreth 7 euro. Një darkë për dy persona në një restaurant mesatar, mbyllet me një faturë prej rreth 85 eurosh, një shishe verë në market, kushton rreth 17 euro dhe 10 vezë kushtojnë rreth 5 euro.

Numri i vogël i popullatës prej 335 mijë banorësh, kombinuar me varësinë e madhe nga mallrat e importuara dhe taksat e larta mbi alkoolin, ndihmojnë në shpjegimin e çmimeve të kripura në Islandë.

Sidoqoftë, në 2018 paga mesatare mujore në Islandë ishte 632 mijë kronor ose rreth 4,450 euro. Ndaj, ndërsa kostoja e jetesës mund të shokojë turistët, banorët lokalë kanë paga që janë në proporcion të drejtë me çmimet. /Telegrafi/