Van Gaal: Messi duhet të jap përgjegjësi pse Barcelona nuk e fiton Ligën e Kampionëve që katër vite

 Ish-trajneri i Barcelonës , Louis van Gaal, e ka cilësuar Lionel Messin si një lojtar ‘shumë individual’ gjatë një interviste me një gazetë spanjolle.

Në një intervistë për El Pais, trajneri holandez ka thënë se 32-vjeçari ia mohoi skuadrës katalunase triumfin në Ligën e Kampionëve, pasi ishte individual.

“E pëlqej Messin si lojtar individual. Ai është lojtari më i mirë individual në botë, pasi statistikat e tij janë të mahnitshme”, ka thënë 67-vjeçari.

“Por, pse ai nuk e ka fituar Ligën e Kampionëve që katër vite? Si kapiten, ju duhet ta pyesni vetën se përse skuadra nuk e fiton titullin e Evropës”.

“Barça ka një skuadër të mrekullueshme. Ju nuk mund të thoni se Ivan Rakitici apo Philippe Coutinho janë të dobët, apo Jordi Alba është i dobët…ata janë lojtarë të shkëlqyer”.

Lexo po ashtu Luis Suarez: Messi është prekur nga komentet kundër tij, ai nuk vendos për formacionin dhe trajnerin

“Mendoj se Messi duhet të mbajë përgjegjësi për atë çfarë ndodhë te Barcelona, jo vetëm trajneri. Lojtarët kanë një pjesë të përgjegjësisë çfarë ndodhë aty”, ka përfunduar Van Gaal.

Katalunasit u eliminuan në gjysmëfinale të Ligës së Kampionëve nga Liverpooli, dështuan ta fitonin Kupën e Mbretit, pasi u mposhtën në finale nga Valencia, derisa e fituan vetëm La Liga-n. /Telegrafi/