Mogherini flet për aksionin e djeshëm në veri: Kosova dhe Serbia duhet t’i kthehen dialogut

Nëse ndihma e BE-së nuk përdoret në një mënyrë të mençur sot, nëse e humbim këtë rast, e shoh rrezikun e forcave të errëta të së kaluarës të konfrontimit dhe të humbasim rastin e integrimit.

Kështu ka deklaruar përfaqësuesja e lartë e BE-së Federica Mogherini, teksa ka komentuar ngjarjet e djeshme në veri të vendit.

Mogherini tha se ajo që ndodhi dje tregon për nevojën që Kosova dhe Serbia t’i kthehen dialogut.

Lexo po ashtu Raporti i KE-së për Kosovën, nuk përmendet heqja e vizave - kërkohet largimi i taksës

“Ajo që ndodhi dje na tregon se Prishtina dhe Beogradi duhet të kthehen në tavolinën e dialogut dhe të pasojnë me marrëveshje obliguese. Ajo që ndodhi dje është përkujtues se të gjithë ne jemi për marrëveshje obliguese pasi i tërë rajoni përfiton. Është e vërtetë, fola për bashkëpunimin në rajon. E dimë dhe pajtohemi që tendencat e kaluarës për konfrontim, ose për retorika që nuk janë bashkëpunuese mund të dalin në çdo moment. Dhe, për këtë arsye them se jemi në një udhëkryq”, tha Mogherini.

Ajo ka ripërsëritur edhe njëherë thirrjen për heqjen e taksës ndaj Serbisë dhe Bosnjë Hercegovinës.

Lexo po ashtu Hahn kërkon heqjen e taksës, paralajmëron vizitë gjatë qershorit në Prishtinë e Beograd

“Si donatorë e dimë se është më mirë të bëhet biznes dhe jo luftë. Kosova dhe Serbia duhet të përkushtohen për një marrëveshje dhe nëse jemi tek kushtet, do të përsërisja që duhet të hiqet taksa 100 përqind ndaj Serbisë dhe Bosnje e Hercegovinës”, tha ajo.

Ajo u shpreh e bindur se një marrëveshje me Kosovën dhe Serbinë mund të ndodhë, teksa tha se për këtë është e gatshme që menjëherë të thërras një takim të dy palëve për dialog./kp/Telegrafi/