Rita Ora: Jam krenare që më është dhënë mundësia t’i ndihmoj të rinjtë e vendit tim

Rita Ora është shfaqur para mediave në një konferencë për shtyp në Prishtinë.

Këngëtarja shqiptare po qëndron në vendlindje si ambasadore e vullnetit të mirë të organizatës ndërkombëtare të UNICEF-it.

Artistja jonë gjatë qëndrimit tre ditor do të marrë pjesë në disa aktivitete humanitare në dobi të viktimave të dhunës seksuale në Kosovë.

“Jam e kënaqur që jam në Kosovë. Këtu jam që dy ditë , por kam pasur një udhëtim fantastik me UNICEF-in. Dua të them se kam pasur shumë takime me të rinjtë e Kosovës. Jam mahnitur me resurset që kanë rinia dhe ishin frymëzuese. Do të bëjë çdo gjë që mundem të ndihmojë rininë dhe kulturën. Jam e lumtur dhe krenare që jam nga ky vend. Me të vërtetë jam krenare që më është mundësia që të ndihmojë të rinjtë e vendit tim”, tha bukuroshja.

Lexo po ashtu Të gjitha lajmet nga Rita Ora

Kujtojmë se çdo shitje nga brendi i linjës së çantave, “Rita x Escada”, një përqindje e saj do të shkojnë për bamirësi në Kosovë.

Ndryshe, 28-vjeçarja do të vazhdojë gjatë javës së ardhshme me koncerte anembanë globit për të promovuar albumin e ri, “Phoenix”. /Telegrafi/