Çaushi: Nëse vazhdon përplasja MASHT-SBASHK, kompensimi i orëve nuk do të ketë efekt (Video)

Në emisionin “Përballje” me gazetarin Muhamet Hajrullahu në RTV Dukagjini, është diskutuar për orët e humbura të mësimit gjatë grevës së organizuar nga SBASHK-u dhe për mënyrat e mundshme se si do të zëvendësoheshin ato.

Deputeti i PSD-së, Driton Çaushi ka thënë se Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në Kuvendin e Kosovës ka tentuar të bëjë një ndërmjetësim në mënyrë që dëmi ndaj nxënëse të jetë sa më i vogël nga greva e SBASHK-ut.

Çaushi ka thënë se edhe nëse orët mësimore do të kompensohen nuk do të ulet pesha që greva ka pasur, pasi sipas tij tashmë kërkesat e SBAShK-ut së paku zyrtarisht janë plotësuar.

Ai ka thënë se si Komision kanë qenë të kënaqur që SBAShK-u ka pranuar që së paku moralisht të kompensohen orët dhe të mos dëmtohen nxënësit.

“Për mua nuk është shumë problematike që kundërshtimi [i SBAShK-ut për të kompensuar orët] nuk ka të bëjë me përmbajtjen, por me tërheqjen e një vendimi”, tha ai, përcjell Telegrafi.

Lexo po ashtu Valmir Gashi nga MASHT: Presim SBASHK-un deri të premtën, vendimi për zëvendësimin e orëve mbetet në fuqi (Video)

Deputeti i PSD-së ka thënë se ndjehet më optimist se para mbledhjes së Komisionit parlamentar për Arsim…, pasi problemi me SHBAShK-un ka të bëjë me çështje morale e jo me ato ligjore sa i përket zëvendësimit të orëve të humbura mësimore”.

“Nëse vazhdon ky kontestim për zëvendësimin e orëve, kompensimi më nuk do të ketë efekt…Ne e dimë që edhe kompensimi nuk do të ketë efektin sikurse të mbaheshin orët në kohë të rregullt”, tha Çaushi./Telegrafi/