Zyrtarët e shtetit serb në vazhdimësi i kanë kritikuar Shtetet e Bashkuara të Amerikës që kanë mbajtur anën në favor të Kosovës, para dhe pas shpalljes së Pavarësisë.
Dhe një përplasje e fundit e qeveritarëve serbë me zyrtarët amerikanë ka ndodhur në rastin e Venezuelës, përcjell Telegrafi.
“Janë amerikanët në anën e drejtë, duke mbështetur Kosovën. Ne kemi qenë në anën e tyre në të dyja luftërat botërore, dhe ata zgjodhën ata kundër të cilëve luftuan në të dyja luftërat botërore”.
Me këto fjalë ministri i Punëve të Jashtme të Serbisë, Ivica Daçiq ka komentuar një deklaratë të ambasadorit amerikan në Serbi, Kyle Scott, i cili kishte komentuar një takim të Daçiqit me një zyrtar të Venezuelës.
Zëvendëskryeministri i parë dhe Ministri i Punëve të Jashtme, Ivica Daçiç, ka pritur zëvendësministrin e Jashtëm të Venezuelës, Yvan Gil, i cili ka qëndruar në Beograd më 19 dhe 20 shkurt si pjesë e turneut të tij evropian.
Pas takimit, Daçiq vlerësoi se Serbia dhe Venezuela karakterizoheshin nga një miqësi e gjatë, e cila reflektohet në mbështetjen reciproke në planin ndërkombëtar.
Ai, siç thuhet tutje, e ka falënderuar pozicionin venezuelian mbi çështjen e Kosovës, si dhe për votimin kundër të pranimit të Kosovës në Interpol dhe UNESCO.
Dhe lidhur me këtë takim ka reaguar ambasadori amerikan në Beograd, Kyle Scott, i cili ka shkruar se me takimin me përfaqësuesin e Venezuelës, Serbia po qëndron në anën e gabuar të historisë.
“Populli venezuelian po vdes nga uria nën sundimin e paligjshëm të regjimit diktatorial. Më shumë se 50 vende në Amerikën Latine, Amerikën e Veriut dhe në Evropën Perëndimore qëndrojnë pranë popullit të Venezuelës dhe presidentit të përkohshëm i Guaido. Serbia është në anën e gabuar të historisë”, ka shkruar Scott në Twitter.
Ndaj deklaratës së ambasadorit amerikan, sipas mediave serbe, përcjell Telegrafi, ka reaguar edhe ministri serb i Mbrotjes, Aleksandar Vulin.
“Serbia ka qenë gjithmonë në anën e drejtë të historisë. Populli serb kurrë nuk bëri një gabim në zgjedhje. Atje ku janë serbët, ka drejtësi”. “Kur herën tjetër, Ambasadori Scott, doni të ndani leksione për Serbinë, mbani mend se vetë Serbia zgjedh miqtë, se Serbia nuk është koloni dhe se pas bombardimeve të Serbisë keni humbur çdo të drejtë morale për të folur për ligjin dhe drejtësinë”, ka thënë Vulin në reagimin e tij.
Ndryshe, ditë më parë, kryetari i Parlamentit venezuelas, Juan Guaido, është vetëshpallur president i vendit.
Siç ishte raportuar, kryetari i Parlamentit, që kontrollohet nga opozita, u vetëshpall president në detyrë para mijëra përkrahësve të mbledhur në Karakas.
“Betohem të marr formalisht kompetencat e ekzekutivit kombëtar si president në detyrë të Venezuelës për të krijuar një qeveri të tranzicionit dhe për të realizuar zgjedhje të lira”, deklaroi ai.
Nga ana tjetër edhe presidenti amerikan, Donald Trump, ka reaguar menjëherë duke njohur presidentin e Parlamentit si të përkohshëm. /Telegrafi/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe