Kremta dhe aktivitetet festive për 11 vjetorin e Pavarësisë së Republikës së Kosovës, nisën qysh në orët e hershme të mëngjesit të ditës së sotme, për të vazhduar me aktivitete të tjera shtetërore deri në parakalimin e Ushtrisë së Kosovës në sheshet e kryeqytetit.
Në orën 08:00 ekzekutivi kosovar u mblodh nën drejtimin e kryeministrit, Ramush Haradinaj.
Në këtë mbledhje kryeministri i Kosovës, Ramush Haradinaj tha se vendi në të ardhmen pritet të ballafaqohet me shumë sfida.
“Në këtë ditë do të shprehim gjithë falënderimin tonë për të rënët për liri, për miqtë dhe të gjithë ata që ndihmuan rrugëtimin e Kosovës drejt realizimit të aspiratave për liri dhe pavarësi. Me kujdesin më të madh jemi përballur me të gjitha temat që i kanë dalë para Kosovës, para Qeverisë, dhe njëkohësisht me respektin më të madh për interesin e qytetarëve të vendit. Ka shumë vendime, shumë ligje, reforma, vendime të mëdha sikurse ishte ushtria, vendimet që lidhen me Trepçën, me resurset tjera ekonomike”, tha kryeministri Haradinaj në fjalën e tij para kabinetit qeveritar.
Aktivitetet vazhduan me ngritjen solemnisht me vendosjen e flamurit shtetëror në oborrin e Kuvendit.
Thaçi e Haradinaj fillimisht bënë homazhe te shtatorja e ish-presidentit, Ibrahim Rugova, dhe te memoriali për të pagjeturit.
Ata së bashku për homazhe vazhduan edhe drejt Prekazit. Në kompleksin memorial “Adem Jashari”, Thaçi e Haradinaj çmuan lartë kontributin e të rënëve për Pavarësinë e Kosovës.
“Sot jemi së bashku me Haradinajn dhe kryetarin e Skenderajt për të bërë nderimet shtetërore komandantit Adem Jashari dhe familjes së tij për sakrificën e tij për shtetin e Kosovës. Nderime dhe respekt për gjithë të rënët”, deklaroi Thaçi nga Prekazi.
Mbledhje solemne pati edhe në Kuvendin e Kosovës. Këtu kryeparlamentari Kadri Veseli, foli edhe për temat politike që janë aktuale tash në vend.
Veseli tha se qeveria nuk do të rrëzohet për taksën dhe as për shkaqe që ndërlidhen me Serbinë.
“Me SHBA-të dhe BE në krah Kosova është më e sigurt. Interesat e SHBA-së janë edhe interesat tona. Qeveria nuk do të bjerë për shkak të taksës dhe Serbisë, qeveria do të bjerë vetëm për interes të qytetarëve”, ka thënë Veseli, raporton Telegrafi.
Kurse, kryeministri Haradinaj para deputetëve deklaroi se Kosova është e interesuar për arritjen e marrëveshjes finale me shtetin serb.
“Të gjithë do të punojmë për marrëdhënëie të mira me fqinjtë. Jemi të interesuar për marrëveshje ligjore me Serbinë, për njohje reciproke në kufijtë ekizstues. Jemi të intresuar për avancimin e Kosovës drejt anëtarësimit në NATO dhe BE”, tha Haradinaj.
Festa për 11 vjetorin e Pavarësisë vazhdoi me parakalimin e trupave të Forcës dhe Sigurisë së Kosovës.
Për herë të parë si Ushtria, FSK-ja u mirëprit nga qindra qytetarë që kishin dalur për të festuar Pavarësinë e Kosovës.
Nën duartrokitjet e qytetarëve dhe tingujt e orkestrës së FSK-së, në qiell u shfaqën disa parashutistë që mbanin në qiell simbolet shtetërore të Kosovës, transmeton Telegrafi.
Në ceremoninë qendrore të parakalimit të FSK-së, presidenti i Kosovës, Hashim Thaçi tha se Ushtria e Kosovës është krenaria e shtetit.
“Para nesh kemi një ushtri profesionale, e cila është në shërbim dhe mbrojtje të shtetit më të ri në Evropë, e gatshme për të kontribuar për paqe në rajon dhe botë. Vendimi për themelimin e ushtrisë së Kosovës ishte i drejtë, legjitim dhe mesazh historik”, deklaroi Thaçi.
Festa për këtë përvjetor të shtetësisë, do të vazhdojë edhe në orët e pasdites.
Rreth orës 18:30 pritet të bëhet ndezja e fishekzjarreve në sheshet e Prishtinës, kurse në orët e mbrëmjes do të ketë një koncert me emrat më të njohur të estradës kosovare. /Telegrafi/
Lufta Prigozhin - Putin
Më shumëNga Rubrika
Një grua nga Kumanova 72 vjeçare ka raportuar në polici se është mashtruar për blerje dru zjarri
Abdixhiku ndan dekoratën “Dr. Ibrahim Rugova” për heroin Sali Çekaj
Vitin e kaluar në Maqedoni kanë ndodhur 108 aksidente në punë, prej tyre 15 kanë përfunduar me pasoja fatale
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Gashi: Mandatori i ardhshëm për kryeministër duhet së pari të flasë me ne
Pasuria e kryetarit të Suharekës e deklaruar në Agjencinë për Parandalimin e Korrupsionit
Hyri ilegalisht nga Serbia në Kosovë, policia ndalon të dyshuarin
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur