Zyrtare: Labinot Kabashi vazhdon kontratën me Barcelonën, katalunasit i vendosin edhe klauzolë të madhe të largimit

Super talenti nga Kosova, Labinot Kabashi do ta vazhdoj qëndrimin te Barcelona.

Mesfushori qendror ka disa vite që është pjesë e klubit katalunas dhe kontrata e tij me Barcelonën skadonte në verën e vitit 2019.

Por te Barcelona besojnë shumë në aftësitë e lojtarit dhe pas disa bisedimeve i kanë vazhduar kontratën.

Kabashi ka vazhduar kontratën me Barcelonën për dy vite ku do të jetë pjesë e gjigantit spanjoll deri në vitin 2021.

Në kontratë është edhe mundësia e zgjatjes së saj edhe për dy vite të tjera pas vitit 2021.

🔵🔴📝 Labinot renova amb el Barça fins el 2021 👉 https://t.co/lFwWbhi7wv

🔵🔴📝 Labinot renueva con el Barça hasta el 2021 👉 https://t.co/vbRGmpg05F #FCBMasia #ForçaBarça🔵🔴 pic.twitter.com/gmqKTGzXKK

— FC Barcelona – Masia (@FCBmasia) February 15, 2019

Kampionët aktual të La Ligas i kanë vendosur edhe një klauzolë largimi shqiptarit e cila është 40 milionë euro.

Kësisoj Kabashi bëhet futbollisti nga Kosova me klauzolën më të madhe të largimit nga klubi i tij.

18-vjeçari është pjesë e Barcelonës që tetë vite kur iu bashkua klubit në vitin 2010 nga Gimnastic.

“Dua ta falënderoj Barcelonën për besimin që gjithmonë ka pasur në mua, përkundër lëndimeve që kam vuajtur në vitet e fundit”.

“Klubi ka qenë gjithmonë pranë meje dhe unë dua ta kthejë gjithë këtë besim me punë dhe ndeshje të mira”, u shpreh Kabashi.

Reprezentuesi i Kosovës pas rikthimit nga lëndimi javë më parë pësoi përsëri një tjetër lëndim dhe do të operohet gjatë ditëve të ardhshme. /Telegrafi/