Real Madridi mund të përballojë transferimin e të dyve, Neymarit dhe Hazardit

Sulmuesi i Paris Saint-Germain, Neymar dhe ai i Chelseat, Eden Hazard, janë dy objektivat e mëdha të Real Madridit në afatin kalimtar të verës.

Los Blancos kanë mbajtur të ulëta investimet në skuadër kohëve të fundit, por kjo mund të ndryshojë së shpejti.

Mediat franceze raportojnë se presidenti i Mbretërve, Florentino Perez, mund ta hap kuletën në afatin e ardhshëm kalimtar dhe të bëjë investime.

Lexo po ashtu Vinicius Jr: Dua të luaj me Neymarin, te Real Madridi ose Brazili

Mbretërit kanë qenë të lidhur me yllin e PSG-së, Neymar dhe atë të Chelseat, Hazard, dhe dyshja ka  shumë të ngjarë t’iu bashkohet në verë.

Sipas mediumit Le10Sport, drejtuesit e Real Madridit besojnë se ata mund të përballojnë pothuajse transferimin e të dyve në Santiago Bernabeu.

Kjo thuhet se vjen për shkak të mungesës së investimeve të mëdha në tregjet e fundit të transferimeve dhe Madridi nuk përjashton mundësinë e nënshkrimit të të dy lojtarëve.

Lexo po ashtu Fabregas: Hazardit i pëlqen Real Madridi

Hazard e ka bërë disa herë të qartë se do të preferonte të luante me klubin spanjoll, ndërsa Neymar mbetet objektiv i kamotshëm i Perezit.

Në rast transferimi, Reali do të largonte lojtarë si Isco Alarcon, Gareth Bale dhe ndoshta edhe Marco Asensio për t’ju bërë vend Hazardit dhe Neymarit. /Telegrafi/