Vepra e Banksyt tërheq vizitorësh në muzeun gjerman

Vepra pjesërisht e shkatërruar e artistit britanik të rrugës, Banksy, po shfaqet për të parën herë në Gjermani, në një muze në Baden Baden.

Janë me dhjetëra e dhjetëra fansat kuriozë që i janë drejtuar muzeut Frieder Burda, ku po ekspozohet vepra “Dashuria në koshin e plehrave”.

“Kjo vepër e Banksyt ka bërë histori pasi iu nënshtrua një metamorfoze vitin e shkuar, gjatë një ankandi. Pasi u shit, kanavaca ndryshoi. Ndaj edhe e gjithë bota flet për këtë vepër arti”, tha drejtori i muzeut, Henning Schapper.

Sipas drejtuesve të muzeut, prerësja që pjesërisht e shkatërroi veprën në ankandin e vitit të shkuar është bllokuar, me qëllim që të evitohet mundësia që një vizitor të shtyp një buton dhe shkatërrimi të vijojë.

Pak çaste pasi piktura me emrin “Vajza me balonë” u shit për 1.2 milionë euro, një rekord ky për artistin, ajo thuajse u shkatërrua nga një prerëse që ishte fshehur në kornizë. Blerësi sidoqoftë nuk pati kundërshtime dhe disa ekspertë thonë se ndoshta vepra tani është më e vyer se më parë. /TCH/