KOK për herë të parë u jep bursë mujore Shpresave Olimpike 2019, Fjorda Shabani merr bursë Olimpike 2020
Komiteti Olimpik i Kosovës ka nënshkruar kontrata me gjashtë sportistë të rinj, të cilët janë përzgjedhur nga Bordi Ekzekutiv i KOK si bursistë për Shpresa Olimpike 2019.
Në ceremoninë e nënshkrimit të mbajtur në Hotel Sirius në Prishtinë, u bë e ditur se të gjashtë sportistët do të marrin bursa mujore nga 100 euro nga KOK-u për gjatë tërë vitit 2019.
Sportistët e përzgjedhur janë: Drenis Mala (shigjetari), Erdonis Maliqi (boks), Melisa Zhdrella (not), Bleron Fetaovski (peshëngritje), Blerton Nuha (çiklizëm) dhe Albinot Selmani (karate).
Krahas tyre u bë e ditur se KOK-u ka përzgjedhur edhe 10 sportistë tjerë të rinj si Shpresa Olimpike, të cilët do të marrin bursa nga Ministria për Kulturë, Rini e Sport, në vlerë 150 euro në muaj për gjatë vitit 2019. “KOK për herë të parë ka vendosur që të ndajë bursa për Shpresa Olimpike për vitin 2019.
Ka vite të tëra që MKRS ndan bursa për Shpresa Olimpike dhe ato do të vazhdojnë edhe në të ardhmen, por krahas kësaj, KOK në mbledhjen e vet ka vendosur që nga ky vit të vazhdojë të ndajë bursa për Shpresa Olimpike, të cilat ndahen nga mjetet e gjeneruara nga sponsorët e KOK-ut. Me këtë ne jemi duke përmbushur misionin e KOK-ut që sportistët të jenë në qendër të vëmendjes”, tha presidenti Hasani.
I pari i KOK-ut kujtoi edhe Bursat Olimpike Tokyo 2020, në të cilën listë përfshihen 19 sportistë elitarë.
Pikërisht në këtë listë, janë bërë edhe ndryshime, bazuar në kontratën e nënshkruar në tetor të vitit 2017 ndërmjet KOK-ut, sportistit dhe federatës përkatëse.
“Kohëve të fundit kemi kërkuar nga federatat raportin e performancës së sportistëve, nëse sportistët janë në rrugën e duhur për të fituar normën Olimpike. Disa raporte vetëm sa i kemi analizuar dhe për shkak të performancës jo të kënaqëshme kemi vendosur t’ia ndërprejmë bursën Olimpike notares, Flaka Pruthi, të cilën kemi vendosur ta zëvendësojmë me 14-vjeçaren e talentuar, Fjorda Shabani. Bursa mujore që do t’i ndahet Fjordës është 150 dollarë nga Solidariteti Olimpik i Komitetit Olimpik Ndërkombëtar dhe 100 euro nga Komiteti Olimpik i Kosovës”, tha sekretari i përgjithshëm i KOK-ut, Shasivar Haxhijaj.
Ai bëri me dije që sportistët të cilët nuk kanë performancë të duhur do t’iu ndërpritet bursa.
Sipas Haxhijajt, listës së bursistëve mund t’i shtohet cilido sportistë tjetër që fiton medalje botërore ose evropiane.
Fjorda Shabani falënderoi KOK-un për bursën, duke theksuar se: “Ky është motiv më i madh për të arritur nivele më të mëdha”. Aplikacioni i nënshkruar nga Fjorda, trajneri dhe përfaqësuesi i federatës do t’i dërgohet për miratim në SO të KON-it.
Karateisti Albinot Selmani e quajti bursën motiv shtesë për të fituar medalje evropiane dhe botërore. Kontratat u nënshkruar mes KOK-ut, sportistit, trajnerëve dhe përfaqësuesve të federatave.
10 sportistët që do të përfitojnë bursa nga MKRS në vlerë 150 Euro në muaj, si Shpresa Olimpike 2019
1. Erza Muminoviq (xhudo)
2. Shpat Zeka (xhudo)
3. Muhamet Ramadani (atletikë)
4. Betim Maliqi (karate)
5. Patriot Behrami (boks)
6. Dren Ukimeraj (not)
7. Arlind Selimi (mundje)
8. Arbi Pupovci (skitari)
9. Albina Deliu (atletikë)
10. Fatih Karabaxhaku (pingpong)
6 sportistët që do të përfitojnë bursa nga KOK në vlerë 100 Euro në muaj, si Shpresa Olimpike 2019
Drenis Mala (shigjetari)
Erdonis Maliqi (boks)
Melisa Zhdrella (not)
Bleron Fetaovski (peshëngritje)
Blerton Nuha (çiklizëm)
Albinot Selmani (karate)
Promo
Reklamo këtuLufta Prigozhin - Putin
Më shumëNga Rubrika
Barcelona pendohet për qëndrimin e Xavit? Ekziston mundësia që spanjolli të shkarkohet nga klubi
Zbulohet arsyeja pse Real Madridi refuzoi që të marrë trofeun e La Ligas në ndeshjen ndaj Granadas
Në Spanjë e quajnë “Pedri i ri”, Liverpool interesohet për shërbimet e top yllit të Las Palmas
Florentino Perez dëshiron ta transferojë te Reali lojtarin që ëndërron të luajë për Barcelonën
Kylian Mbappe pranon garën 100 metra me Usain Bolt pasi simulimi tregon se çfarë mund të ndodhë
Emmanuel Macron edhe një herë ndërhyn në të ardhmen e Mbappes
Mbappe ia ka sugjeruar Real Madridit zëvendësuesin e Modricit
Është kampion bote me Argjentinën, Barcelona siguron mesfushorin me parametra zero
Caktohet gjyqtari për ndeshjen kthyese Real-Bayern: Fat i keq për Los Blancos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'