Spektakël televiziv: Djaloshi sulmon të dashurën e tij, pasi ajo pranoi se ishte “përqafuar” nga dikush tjetër (Video)

Ky është momenti kur një pjesëmarrës i një spektakli në Rusi filloi një sulm ndaj të dashurës së tij, pasi ajo pranoi se ishte “përqafuar” nga një pjesëmarrës tjetër.

Sipas mediave të huaja, përcjell Telegrafi, Andrey Shabarin, 34 vjeç, sulmoi të dashurën e tij Rozalia Raison, 21 vjeçe, gjatë shfaqjes popullore ruse ‘Dom 2’.

Ai mund të shihet në mënyrë të përsëritur duke rrahur dashnoren e tij 21-vjeçare rreth kokës ndërsa një tjetër njeri përpiqej me dëshpërim për të ndërhyrë.

Në shfaqje, garuesit duhet të ndërtojnë një shtëpi ndërsa përpiqen të gjejnë një partner në proces. Çiftet pastaj konkurrojnë për vetë shtëpinë.

Videoja tregon një nga garuesit, një burrë me këmishë me emrin Valery Blumennkrants, duke thënë: ‘A ju kanë prekur ata burra?’

Raison, një grua bionde që ulet në divan, përgjigjet: ‘Epo, ata më përqafuan’.

Kështu, rrëfimi i biondes me sa duket provokon Shabarinin, i cili është veshur me një bluzë të bardhë, duke e sulmuar Raison.

Raportohet se shefat e spektaklit vendosën të përjashtonin Shabarin nga shfaqja pas incidentit.

Sipas mediave lokale, Raison, e cila fali partnerin e saj për abuzimin, u largua gjithashtu nga shfaqja. /Telegrafi/