Komisioni për Mbikëqyrjen e Financave Publike në Kuvendin e Kosovës ka vlerësuar se në ndërmarrjen publike “Hekurudhat e Kosovës – “Trainkos” ka borxhe të shumta, pasi sipas tyre ka menaxhim të keq financiar.
Raportuesja e komisionit, Emilija Rexhepi tha se raporti nuk tregon fitimin e saktë vjetor, dhe nuk jep një rezultat të saktë financiar.
“Ky raport nuk është në rregull, nuk i paraqet pamjet e vërteta në aspektin material duke filluar nga bilanci fillestar, raporti i të hyrave, raporti i përgjithshëm i qarkullimit financiar dhe pranimit të punëtorëve. Të gjitha këto për shkak të borxheve të mëdha ku klientët kanë pasur borxhe ndaj bizneseve dhe kjo asnjëherë nuk është paguar”, tha Rexhepi.
Deputeti i Lidhjes Demokratike të Kosovës, Avdullah Hoti, duke folur për pasqyrat financiare të “Trainkos”, tha se ato janë konstruktuar të tilla në mënyrë që të barazohen dhe se ai nuk i beson asnjë shifre në këtë raport.
“Nuk kam asnjë gjykim për këto sepse krejt raporti është fiktiv, sepse nuk mund t’i besohet asnjë shifre. Dhe, e dyta, te punësimi, sikur në plot raste të tjera, vazhdon punësimi pa konkurs, një mostër që e ka marrë auditori gjen që janë punësuar disa persona pa konkurs, tjetra, kur është bërë një konkurs nuk janë plotësuar kushtet elementare që kërkohen në konkurs për punësimin e personave”, tha ai.
Sadik Kryeziu, kryesues i bordit në “Trainkos”, tha se janë përballur me probleme të trashëguara, ndërsa ka përmendur shkaktarët kryesorë për humbjet në vitin 2016.
“Kemi probleme në dy-tre vendet me pasqyrat financiare, sa i përket gjendjes së kompanisë, ne e kemi me një gjendje të vështirë kompaninë. Në vitin 2016, kompania ka qenë me një humbje shumë të madhe, përfshi këtu krizën që ka ekzistuar në Feronikel, ku 95 për qind të transportimit të mallit e kemi me Feronikelin, përveç kësaj kanë ekzistuar kriza të tjera, kriza ekonomike në Greqi na ka shkaktuar problem në transportimin e mallrave, hapja e autostradës për
Shqipëri ka pas ndikim të madh, sepse transporti i mallit ka filluar të bëhet me ndonjë makineri tjetër, problemi më i madh është me veri, prej vitit 2008 nuk ka pas transportim në veri”, tha ai.
Ndërkohë që pasqyrat vjetore financiare të Ministrisë së Kulturës, Rinisë dhe Sportit, Komisioni për Mbikëqyrjen e Financave Publike u pajtua t’i procedojë në seancë të Kuvendit. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Qysh bohet kerri i vogël, kerr i ri!
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak